San Martiño de Anllo pode presumir de ter parte do seu territorio sobre o Canón do Sil. Nesta parroquia no lugar de Xabrega a Deputación Provincial está construíndo o embarcadoiro que, xunto ó da Ponte da Abeleda, acollerá os barcos que recorren este canón, sucando as mansas augas do Sil.
Esta parroquia, ó igual cá de Santo Estevo de Anllo, albergou numerosos muíños, ó amparo do arroio de Camilo, coñecido tamén entre outros moitos nomes como Xabrega e Regato dos Muíños. Moitas destas edificacións aínda se poden recuperar.
Nos lugares de Fervenza e Naz, varias casas tipo pazos fálannos do avoengo que noutros tempos tiveron. Naz foi nalgunha ocasión sede das dependencias municipais.
|
.jpg)
