NOVAS DO CONCELLO

NOVAS LUIS FERNÁNDEZ GUITIÁN RECIBIRÁ EN OUTEIRO DE REI A HOMENAXE DA ‘NAVALLA DE MANUEL MARÍA’ A Irmandade Manuel María e a asociación cultural Xermolos concédenlle este ano a ‘Navalla de Manuel María’ ao músico e rexedor de Sober, Luis Fernández Guitián e, a título póstumo, á activista sociocultural María Xosé Neira Maseda, falecida en febreiro deste mesmo ano.   A distinción a Fernández Guitián vénlle concedida pola súa actividade cultural e pola súa amizade con Manuel María.   Os actos de entrega desta distinción faranse nun acto de lembranza ao poeta chairego que terá lugar o 8 de setembro, aniversario do seu pasamento, en Outeiro de Rei.   Haberá un xantar xunto ao río Ladra, seguido ás 17 horas dun recital en Penas de Rodas, outro acto no cemiterio de Outeiro de Rei ás 18:00 horas e concerto de música e poesía no campo de Santa Isabel (19 horas) onde vai haber un rito compartido celebrando a  amizade e o compromiso dos homenaxeados.   O economista Manuel Rajo López será o encargado de disertar sobre Luis Fernández Guitián e a mestra Sabela Núñez Singala achegará a traxectoria de María Xosé Neira Maseda.   Para apuntarse a xantar hai que reservar no teléfono 646413890.