SEDE ELÉCTRONICA
 
 
NOVAS DO CONCELLO
 
NOVAS
O CONCELLO DE SOBER FAI UN CHAMAMENTO Á RESPONSABILIDADE NO CONSUMO DE AUGA



O Concello de Sober fai un chamamento á responsabilidade no consumo de auga ante a seca que está a afectar a todo o país e ante o mal uso que algúns están a facer da rede pública.
 
O Concello de Sober conta con traída municipal en preto de 800 vivendas do municipio. Ao mesmo tempo conta con caudalímetros por zonas e nos últimos días téñense detectado consumos moi elevados en determinadas franxas horarias, que se corresponden co horario habitual de rego.
 
Tamén se detectaron usos de rego con programador.
 
O Goberno local apela á responsabilidade de todos os veciños e veciñas e vai proceder a un varrido por zonas para detectar enganches ilegais á rede e usuarios que reguen con auga da traída. De detectar prácticas prohibidas ou abusivas tramitaranse as correspondentes sancións.
 
O Concello de Sober recorda que está totalmente prohibido usar a auga da traída para regar, lavar vehículos ou encher piscinas. O seu uso debe ser en exclusiva para consumo doméstico.
 
O Concello está agora mesmo facilitando cisternas de auga a varios pobos que non contan con traída municipal senón con traídas veciñais nas que escasea o subministro. “Mentres uns teñen problemas outros malgastan a auga con regos descontrolados ou enganches ilegais o que é ilóxico”, resume o rexedor, Luis Fernández Guitián.
 
O alcalde aclara que non hai problemas no subministro municipal pero o consumo de enerxía e cloro é moi elevado, polo que se prega responsabilidade.
 
 
 
 
 
 
 
Historia do Concello
  Historia
  Patrimonio
  Medio Natural
  Lendas
  Situación
Concello de Sober
  Alcaldía
  Corporación Municipal
  Normativa Municipal
  Secretaría
  Contacto
Servizos do Concello
  Enlaces
  Axenda
  Télefonos
  Transporte Público
Oficina de Turismo
  Rutas
  Aloxamentos
  Festas
  Miradores turísticos Qcalidad
  Galería Fotográfica
Novas do Concello
As Nosas Parroquias
O Viño e Adegas
  O Viño
  Adegas
Nota Legal · Política de Privacidade · Política de Cookies
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
PO FSE Galicia 2014 -2020
"Invierte en tu Futuro"
Uni?n Europea
Publicado el 18 de Nov. de 2020
Feder Galicia
 
Feder Galicia
 
Moves

prodesin.com