SEDE ELÉCTRONICA
 
 
NOVAS DO CONCELLO
 
NOVAS
O CARTEL DUNHA MOZA OURENSÁ GAÑA O CONCURSO DA XLII FEIRA DO VIÑO DE AMANDI



Rocío Rodicio González, de 15 anos e veciña de Ourense, é a gañadora do concurso de carteis da XLII Feira do Viño de Amandi, que se celebrará en Sober os próximos 9 e 10 de abril, volvendo así a súa data habitual de sábado e domingo de Ramos.
 
O cartel darase a coñecer o vindeiro sábado día 12 ás 12:00 horas nun dos novos recursos turísticos e paisaxísticos cos que conta o Concello de Sober.
 
A gañadora recibirá un premio de 600 euros. Este ano recibíronse orixinais de diversos puntos de Galicia e tamén do resto do Estado, como en anos anteriores.
 
A moza conta xa con outras distincións, como ser a gañadora de 3 edicións do Concurso de Debuxo e Redacción Jóvenes y Mayores do Xornal La Región, gañadora do Concurso internacional Leonardo 4 Children 2021, do Concurso do Cartel 25N do Concello de Pereiro de Aguiar, do X Premio Nacional Avelina Lamas e coa mención de honra do Concurso VIII centenario Catedral de Burgos.
 
Rocío Rodicio explica que o seu deseño recolle a esencia da Feira do Viño de Amandi, no que se pode ver representado o Río Sil, as uvas e a figura do viticultor. Considera a distinción “unha gran oportunidade” e asegura estar moi orgullosa co premio e co traballo, unha acuarela con lapis de cores.
 
Mes do Amandi
Co fallo do concurso de carteis o Goberno local inicia hoxe o ‘Mes do Amandi’, as actividades previas á celebración da Feira do Viño. A localidade acolle ademais esta tarde un concerto das Xuventudes Musicais de Sober e a presentación do equipo de Rally ‘Barantes Sport’, co que colabora o Concello de Sober.
 
Todas estas actividades conforman o marco ideal para botar a andar o Mes do Amandi cuxas propostas se prolongarán ata a data da Feira do Viño e se irán dando a coñecer nos vindeiros días.
 
Tal e como xa avanzou o rexedor, Luis Fernández Guitián, este ano o pregoeiro da XVII Feira do Viño de Amandi será o actor Chechu Salgado, nacido na localidade e gañador do Premio Goya deste ano como mellor actor revelación polo seu papel no filme ‘As leis da fronteira’.
 
 
 
 
Historia do Concello
  Historia
  Patrimonio
  Medio Natural
  Lendas
  Situación
Concello de Sober
  Alcaldía
  Corporación Municipal
  Normativa Municipal
  Secretaría
  Contacto
Servizos do Concello
  Enlaces
  Axenda
  Télefonos
  Transporte Público
Oficina de Turismo
  Rutas
  Aloxamentos
  Festas
  Galería Fotográfica
Novas do Concello
As Nosas Parroquias
O Viño e Adegas
  O Viño
  Adegas
Nota Legal · Política de Privacidade · Política de Cookies
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
PO FSE Galicia 2014 -2020
"Invierte en tu Futuro"
Uni?n Europea
Publicado el 18 de Nov. de 2020
Feder Galicia
 
Feder Galicia
 
Moves

prodesin.com