SEDE ELÉCTRONICA
 
 
NOVAS DO CONCELLO
 
NOVAS
O CONCELLO E AS XUVENTUDES MUSICAIS DE SOBER PROGRAMAN UN CONCERTO DO RHEA QUARTET DE SAXOS PARA O SÁBADO DÍA 12



O Concello e as Xuventudes Musicais de Sober organizan para o sábado día 12 un concerto do ‘Rhea Quartet’, formado polos intérpretes Pablo Fernández Baladrón, saxofón soprano; Iris Guzmán Godia, saxofón alto; Luís Garvía Cabañas, saxofón tenor e Jaime Serrano Fernández, saxofón barítono.
 
A actuación será ás 19:00 horas no Centro Sociocultural con entrada gratuíta.
 
O cuarteto interpretará o programa ‘Terra’ que reivindica a importancia de coidar aquilo que nos dá a vida e que nos permite  respirar a través de dúas viaxes por algúns dos lugares máis recónditos do noso planeta.
 
Esta proposta musical promove o intercambio cultural e a responsabilidade do ser humano por coidar a nosa contorna en lugar de seguir tratando de someter á natureza aos nosos desexos e necesidades materiais.
 
Por unha banda, preséntase a viaxe do compositor Guillermo Lago e, por outra, a viaxe do personaxe Klim na obra do dramaturgo Ludvig  Holberg. Como  interludio entre ambas as suites, preséntase a música  Klemzer, sobre a que Alexis  Ciesla compón a súa obra para cuarteto de  saxofóns “Rhapsodish”.
 
A madurez das súas propostas, a espontaneidade, a innovación e o rigor son os aspectos máis valorados polo público e a prensa especializada. Formado por personalidades musicais diferentes, configuran unha identidade cunha linguaxe propia onde convidan ao oínte a unirse como quinto elemento no discurso musical.
 
Apostan por contribuír á divulgación da cultura desde a música de cámara, en toda a súa variedade e estilos, e traballan man a man con compositores de música de nova creación.
 
Foron galardoados a nivel nacional e internacional, destacando os seus premios en Bydgoszcz Chamber Music Competition, Concurso Permanente de Mocidades Musicais de España, Certame ‘Pedro Bote’, Concurso ‘Antón García Abril’ ou Certame ‘Jacobo Soto  Carmona’.
 
A súa sólida formación aválaos, contando cos consellos de Cuarteto Quiroga, Cuarteto  Casals,  Kuss  Quartet,  Heime  Müller,  Márta  Gulyás, Rita  Wagner, Kennedy Moretti, Pedro Pablo Cámara, Noelia  Rodiles,  André Cebrián e  Ona  Cardona, entre outros.  Compaxinan o seu labor concertístico cun activo compromiso pedagóxico, sendo docentes en  renomeados centros de educación musical. Desde 2019 son embaixadores das marcas  Selmer París e  Vandoren Fran- ce.
 
Programa:
 
Edvard Grieg:
Suite aus Holdbergs Suite, op. 40
 
Alexis Ciesla:
Rhapsodish
 
Guillermo Lago:
Ciudades
 
Juan Delgado:
A Haunting Foreboding  (Estreo absoluto)*
 
 
* Obra encargo de JM España a Juan Delgado, compositor residente da Red de Músicas 21-22.
 
 
 
 
Historia do Concello
  Historia
  Patrimonio
  Medio Natural
  Lendas
  Situación
Concello de Sober
  Alcaldía
  Corporación Municipal
  Normativa Municipal
  Secretaría
  Contacto
Servizos do Concello
  Enlaces
  Axenda
  Télefonos
  Transporte Público
Oficina de Turismo
  Rutas
  Aloxamentos
  Festas
  Galería Fotográfica
Novas do Concello
As Nosas Parroquias
O Viño e Adegas
  O Viño
  Adegas
Nota Legal · Política de Privacidade · Política de Cookies
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
PO FSE Galicia 2014 -2020
"Invierte en tu Futuro"
Uni?n Europea
Publicado el 18 de Nov. de 2020
Feder Galicia
 
Feder Galicia
 
Moves

prodesin.com