NOVAS DO CONCELLO

NOVAS O CONCELLO E AS XUVENTUDES MUSICAIS DE SOBER PROGRAMAN UN CONCERTO DE FRAUTA CON MARTA TORRES PARA ESTE SÁBADO A frautista Marta Torres presentará o sábado en Sober o seu espectáculo ‘The Magical Flute’. O concerto forma parte do ciclo ‘Música no Outono’ que organiza o Concello en colaboración coas Xuventudes Musicais de Sober. Será ás 19:00 horas no Centro Sociocultural con entrada libre.   O concerto ‘The  Magical  Flute’ é un programa onde a frauta traveseira se presenta como único instrumento encargado de namorar ao público, mostrando a versatilidade do seu son grazas ao extenso repertorio composto ao longo de cinco séculos. Escoitaremos desde ‘As  Folies d' Espagne’ ata a música dos compositores do noso país, pasando polo impresionismo de  Debussy e a potencia  tímbrica de  Berio. Un concerto completo da man do incrible son da frauta traveseira que non deixará indiferente a ninguén.   Marta Torres realizou os seus estudos superiores de frauta no Conservatorio de Liceo de Barcelona con  Christian  Farroni, e posteriormente os estudos de máster na Universidade  MUK de Viena con Karl- Heinz  Schütz, solista da Orquestra  Filharmónica de Viena. Gañou varios premios de música de cámara, foi finalista da Categoría Superior do Concurso Nacional de España ‘Andalucía Frauta’, e en 2019 obtivo o Segundo Premio de Mocidades Musicais de España da modalidade de vento. Colabora regularmente con orquestra profesionais, actividade que compaxina cos seus proxectos de cámara.   Programa Francisco López-Martín: Mängata   Georg Philipp Telemann: Fantastia nº10 en Fa #menor   Friedrich Kuhlau: Divertissemente nº6, op. 68   Francisco Tárrega: Recuerdo de la Alhambra (arr. de Francisco López-Martín)   Claude Debussy: Syrinx   Luciano Berio: Sequenza I   Marin Marais: Les Folies d'Espagne   Isaac Albéniz: Asturias (arr. de Francisco López-Martín)