SEDE ELÉCTRONICA
 
 
NOVAS DO CONCELLO
 
NOVAS
O CICLO ‘MÚSICA NO OUTONO’ TRAE O SÁBADO A SOBER AO VIOLINISTA MIQUEL MÚÑIZ



O Goberno local e as Xuventudes Musicais de Sober organizan para o vindeiro sábado, dentro do ciclo ‘Música no Outono’ un concerto de violín a cargo de Miquel Múñiz, quen vai estar acompañado polo pianista Lluís Rodríguez Salvá. A actuación será ás 19:00 horas no Centro Sociocultural con entrada gratuíta.
 
En Fogos artificiais para violín poderemos escoitar algunhas das obras máis espectaculares, virtuosas e emotivas do S.XX. Grandes compositores universais como Prokofiev, Ravel ou Falla puxeron a mercé do violín o seu gran enxeño e explosiva creatividade. Infinidade de cores e recursos técnicos despréganse nestas sublimes pezas. Todo un reto e un privilexio para o seu intérprete.
 
Nacido en  Riudarenes (Xirona) en 2001, vive a súa infancia en Calonge. Comeza a estudar piano coa súa nai Monti Galdon e violín na escola de música  Adrià  Sardó con Sergi  Alpiste,  Mercè  Paradeda e Sara Pérez. Posteriormente recibe clases de Corrado Bolsi e Alba Roca complementando a súa formación estudando oboe con Montserrat López e tenor con Josep  Gispert. Aos dezaseis anos comeza os estudos de Grao Superior no Conservatorio do Liceu de Barcelona bolseiro pola  Fundació Ferrer- Salat onde os finalizará este curso baixo a mestría de Corrado  Bolsi. Alumno regular de Pavel  Vernikov e  Svetlana  Makarova na  Haute École de Musique de Lausanne como alumno de intercambio e na Academia Tibor  Varga de Sion (Suíza) participou en diferentes festivais de Alemaña, Andorra, España, Italia, Portugal, Romanía, Rusia, Suecia, Suíza e Turquía.
 
Premiado en máis de vinte concursos nacionais e internacionais destacan os primeiros premios no XCVI Concurso Permanente de Mocidades Musicais de España (Madrid, 2020), no VI Odin  International Music Competition (2021), no Concurso de Forum Musikae Valencia (2020), no IV Concurso de Violín de Barcelona (2019), no I Concurso Álvaro Parella ( Iniesta, 2018), no  XVII e XVIII Concurso Instrumental Sant Anastasi (Lleida 2017 e 2018) e no XVIII Concurso de Novos Intérpretes Ciudad de Xàtiva (2018).
 
Programa
 
Claude Debussy: Beau Soir
 
Béla Bartók: Seis Danzas Rumanas
 
Manuel de Falla: El Amor Brujo (I. Pantomima, II. Danza Ritual del Fuego
 
Karol Maciej Szymanowski: Nocturno & Tarantella
 
Eduard Toldrà: Sonetí de la Rosada
 
Nikolai Rimski-Kórsakov: Le coq d'Or Fantasy
 
Joan Manén: Danza Ibérica n.2
 
Maurice Ravel: Tzigane
 
 
 
 
 
 
Historia do Concello
  Historia
  Patrimonio
  Medio Natural
  Lendas
  Situación
Concello de Sober
  Alcaldía
  Corporación Municipal
  Normativa Municipal
  Secretaría
  Contacto
Servizos do Concello
  Enlaces
  Axenda
  Télefonos
  Transporte Público
Oficina de Turismo
  Rutas
  Aloxamentos
  Festas
  Miradores turísticos Qcalidad
  Galería Fotográfica
Novas do Concello
As Nosas Parroquias
O Viño e Adegas
  O Viño
  Adegas
Nota Legal · Política de Privacidade · Política de Cookies
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
PO FSE Galicia 2014 -2020
"Invierte en tu Futuro"
Uni?n Europea
Publicado el 18 de Nov. de 2020
Feder Galicia
 
Feder Galicia
 
Moves

prodesin.com