SEDE ELÉCTRONICA
 
 
NOVAS DO CONCELLO
 
NOVAS
O CEIP PLURILINGÜE VIRXE DO CARME DE SOBER INICIA O CURSO CON MÁIS ALUMANDO DOS ÚLTIMOS ANOS



O CEIP Plurilingüe Virxe do Carme de Sober inicia o curso con máis alumnado dos últimos anos. Tanto é así que a cantidade de alumnos case se duplicou desde hai dez anos, comparándoo co curso 2010/2011, alcanzando este ano unha matrícula de 73 alumnos, 25 de infantil e 48 de primaria. A suba é constante ano tras ano: 66 alumnos no 2019, 67 no 2020 e 73 este ano.
 
A este alumnado hai que sumar o da gardería municipal que ten as súas 20 prazas para alumnado de 0 a 3 anos tamén cubertas, o que garante novo alumnado para o colexio nos próximos anos.
 
O rexedor, Luis Fernández Guitián, explica que dende o Concello se poñen todos os medios posibles para facilitarlle ás familias do Concello a asistencia ao centro de ensino da localidade. Así, organízanse numerosas  actividades culturais, ofrécese o servizo de conciliación e convócanse as axudas para adquisición de material escolar, entre outras.
 
O Concello agradece ademais a mellora das instalacións comprometida pola Xunta de Galicia, cuxas obras comezarán en outubro e suporán un investimento de 260.000 euros.
 
Axudas para adquisición de libros e material escolar
Neste senso, o Concello de Sober vén de aprobar por vez primeira as bases reguladoras para a convocatoria de axudas ás familias para a adquisición de libros de texto e de material escolar de alumnos e alumnas de educación infantil e primaria do CEIP Plurilingüe Virxe do Carme.
 
As axudas serán como máximo de 120 euros por cada filla/o que estea cursando estudios de educación infantil (2º ciclo) de 3 a 5 anos e dun máximo de 60 euros por cada fillo ou filla que estea cursando estudios de educación primaria no CEIP Plurilingüe Virxe do Carme no curso 2021/2022.
 
O lugar no que hai que presentar a documentación requirida, unha vez as bases saian publicadas no BOP, é o departamento de Servizos Sociais do Concello de Sober en horario de 9 a 14 horas, de luns a venres ou a través da sede electrónica do Concello de Sober (concellodesober.sedelectronica.gal).
 
Así mesmo, para máis información ou para calquera dúbida pódese contactar co número de teléfono 982 460 001 ou no 982 460 005 ou  visitar a páxina web do Concello de Sober.
 
 


 
 
Historia do Concello
  Historia
  Patrimonio
  Medio Natural
  Lendas
  Situación
Concello de Sober
  Alcaldía
  Corporación Municipal
  Normativa Municipal
  Secretaría
  Contacto
Servizos do Concello
  Enlaces
  Axenda
  Télefonos
  Transporte Público
Oficina de Turismo
  Rutas
  Aloxamentos
  Festas
  Galería Fotográfica
Novas do Concello
As Nosas Parroquias
O Viño e Adegas
  O Viño
  Adegas
Nota Legal · Política de Privacidade · Política de Cookies
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
PO FSE Galicia 2014 -2020
"Invierte en tu Futuro"
Uni?n Europea
Publicado el 18 de Nov. de 2020
Feder Galicia
 
Feder Galicia
 
Moves

prodesin.com