|
|
NOVAS |
O CONCELLO DE SOBER COLOCARÁ UN STAND INFORMATIVO PARA FOMENTAR A UTILIZACIÓN DO PUNTO LIMPO MÓBIL
O vindeiro luns día 12 o Concello de Sober colocará un stand informativo na Praza do Concello en horario de 10:00 a 13:30 horas para informar á cidadanía sobre o novo servizo de punto limpo ambulante. A través deste servizo ofrécese a posibilidade aos veciños e veciñas do municipio de depositar os residuos de forma axeitada.
Ademais, ao longo da xornada aproveitarase para fomentar a cultura da reciclaxe entre os asistentes e para facer entrega de bolsas reutilizables.
O punto limpo móbil, adquirido co apoio financeiro da Consellería de Medio Ambiente, Territorio e Vivenda da Xunta de Galicia e do Fondo Europeo de Desenvolvemento Rexional, disporá dunha ruta coa que se garantirá o acceso ao servizo por parte da veciñanza.
Poderanse depositar residuos como pilas, fluorescentes, tóner e cartuchos de impresora, así como pequenos electrodomésticos e outrosresiduos de pouco volume e difícil reciclaxe.
|
|
|
|
|
|