NOVAS DO CONCELLO

NOVAS O CONCELLO DE SOBER RETOMA AS ACTIVIDADES DEPORTIVAS PARA MAIORES O Concello de Sober retoma hoxe mércores as actividades deportivas para maiores.   A maior parte da actividade vaise concentrar este ano no ximnasio municipal para cumprir coa normativa sanitaria e poder manter as distancias de seguridade. A maiores, haberá ximnasia de mantemento en Anllo e Neiras.   Ximnasia de mantemento Os luns haberá ximnasia de mantemento ás 11:00 e ás 17:30 horas e aerobic/tonificación ás 19:30 horas no ximnasio municipal.   Os mércores haberá ximnasia de mantemento ás 11:00 e ás 17:30 horas e aerobic/tonificación ás 19:30 horas no ximnasio municipal.   Os xoves haberá pilates ás 11:00 horas tamén no ximnasio municipal.   Nas parroquias, os luns haberá ximnasia de mantemento en Anllo ás 16:00 horas e os mércores en Neiras tamén ás 16:00 horas.   Ximnasio municipal O ximnasio municipal abrirá polas mañás de luns a xoves en horario de 10.30 a 13:30 horas e de luns a mércores pola tarde en horario de 15:30  20:30 horas. Para o uso da sala de máquinas é preciso reservar praza.   Para obter máis información poden chamar ao 982 46 05 13 ou preguntar no ximnasio no horario de apertura. Este ano os grupos serán reducidos, polo que é imprescindible inscribirse para poder participar en calquera das actividades.