NOVAS DO CONCELLO

NOVAS O CONCELLO DE SOBER PUXO EN MARCHA HOXE O SERVIZO DE XANTAR NA CASA O Concello de Sober iniciou hoxe o servizo de Xantar na Casa. Na xornada de hoxe mércores atendéronse aos 3 primeiros usuarios e está previsto incorporar novos domicilios nos próximos días.   O Goberno local do Concello de Sober integrouse no Consorcio Galego de Servizos de Igualdade e Benestar co obxectivo de formar parte dos concellos galegos que pertencen ao programa ‘Xantar na Casa’.   Unha vez adherido ao Consorcio, o Concello de Sober formalizou un convenio para dispor deste programa de comida a domicilio que busca facilitar e garantir unha alimentación de calidade adaptada ás necesidades de persoas maiores dependente ou en risco de exclusión para cubrir as súas necesidades básicas relacionadas coa alimentación.   Tal e como explica o alcalde, Luis Fernández Guitián, a Xunta asume o 50% dos gasto, a través da Consellería de Política Social, o 25% o Concello e o outro 25% a persoa que se incorpora ao servizo. “É un dos compromisos que figuraban no programa electoral que vén de ser cumprido”, precisa.