NOVAS DO CONCELLO

NOVAS SOBER ABRE O PRAZO DE INSCRICIÓN NO IV CAMPAMENTO DE VERÁN ‘COÑECE O TEU CONCELLO’ O Goberno local de Sober vén de abrir o prazo de inscrición no Campamento de verán ‘Coñece o teu Concello, que este ano celebra a súa IV edición.   Trátase dun programa gratuíto lúdico e educativo de actividades que comezará o día 1 de xullo e rematará o 30 de xullo. Terán lugar os martes, mércores e xoves de 10:30 a 13:30 horas.   Este ano o Concello de Sober decidiu facer algúns cambios con respecto ás edicións anteriores para cumprir coa normativa sanitaria que debe aplicarse para combater a covid-19. Así, o número de prazas ofertadas é de 6 cada semana.   O prazo de inscrición, xa aberto, rematará o luns 29 de xuño. A idade para participar nesta actividade será a comprendida entre os 4 e os 12 anos e terán prioridade as familias empadroadas no Concello de Sober.   Inscrición A inscrición realizarase enviando un correo electrónico cos datos persoais do/a participante (nome e apelidos, idade e teléfono de contacto e semana ou semanas nas que quede participar) a cultura@concellodesober.com   Se existe máis demanda que prazas ofertadas nunha semana, cubriranse as prazas por rigorosa orde de entrada das solicitudes no correo electrónico.   O Concello creará unha lista de espera para cubrir as prazas que poidan quedar vacantes.   O alcalde, Luis Fernández Guitián, explica que este campamento “levarase a cabo, sempre que as autoridades competentes o permitan, adaptándonos as novas medidas de seguridade e hixiene e seguindo os protocolos necesarios para crear un entorno totalmente controlado e seguro”. Anima aos nenos e nenas a participar e precisa que a súa organización contribuirá tamén á conciliación familiar.