NOVAS DO CONCELLO

NOVAS O CONCELLO DE SOBER CONVOCA UN CONCURSO PARA O DESEÑO DUN LOGOTIPO QUE IDENTIFIQUE E PROMOCIONE O MUNICIPIO O Concello de Sober convoca un concurso para o deseño dun logotipo que servirá para identificar e promocionar ao municipio.   O concurso rexerase polas bases que se axuntan, que o Goberno local vén de facer publicas e que poderán consultarse nas súas redes sociais e na súa web www.concellodesober.com    Resumo das Bases O logotipo debe recoller a esencia do municipio tendo en conta os seus sinais de identidade: os seus recursos naturais e turísticos, as peculiaridades dos seus sectores produtivos e os seus valores culturais.   En concreto, o logo debe representar un ou varios valores significativas do Concello de Sober (viño, música, olería de Gundivós, Canón do Sil, románico, rosca....).   Tamén se valorará a creatividade e a claridade da obra que facilite o seu rápido recoñecemento e contribúa a establecer unha rápida identificación co municipio. Polo tanto, o deseño debe incluír a palabra SOBER.   A obra debe ser orixinal e inédita e así o debe expresar o autor ou autora certificando que o deseño é propio e que non se infrinxiron os dereitos de autor de terceiras persoas.   Ningún deseño poderá conter firmas nin levar sinais de identidade que identifiquen ou permitan coñecer a identidade do autor ou autora.   O logo será usado polo Concello como complementario ou substituto do escudo municipal.   Formato O deseño terá unha disposición horizontal ou vertical e, se é en cor, deberá ir acompañado dunha versión monocroma (branco e negro ou escala de grises) que posibilite a súa reprodución nunha tinta.   Inscricións A inscrición é gratuíta e aberta a todas aquelas persoas que desexen participar, independentemente da súa idade, nacionalidade ou lugar de residencia. Cada participante poderá achegar o número de deseños que considere.   O prazo de recepción das propostas a concurso remata o martes 30 de xuño e deberán ser remitidas a través do enderezo electrónico prensa@concellodesober.com acompañadas dos datos persoais: nome e apelidos, domicilio, teléfono de contacto, enderezo de correo electrónico e fotocopia do DNI.   Fallo do xurado O xurado, formado por 3 persoas relacionadas co mundo do deseño e un representante do Concello que actuará como secretario pero sen voto, determinará o deseño gañador atendendo aos criterios de adecuación á temática (representatividade do municipio e creación dunha marca que identifique a Sober), creatividade e claridade da obra.   O fallo, que será inapelable, darase a coñecer ao longo do mes de xullo de 2020 e será previamente comunicado á persoa gañadora.   Premio O Concello de Sober establecerá un premio económico de 500 euros dirixido á persoa responsable do deseño do logotipo que o xurado determine como gañador. BASES GALEGO BASES ESPAÑOL