NOVAS DO CONCELLO

NOVAS ISABEL NÚÑEZ MONTERO, GAÑADORA DO CONCURSO DE CARTEIS DA XL FEIRA DO VIÑO DE AMANDI O xurado encargado de fallar o concurso de carteis da XL Feira do Viño de Amandi elixiu por unanimidade que a gañadora sexa Isabel Núñez Montero, de Pontevedra, co seu deseño ‘De sol a sol’, que representa unha homenaxe á muller vendimadora. A gañadora recibirá un premio de 600 euros.   O Concello de Sober dará a coñecer o seu traballo nun acto que se celebrará o día 21 de marzo no miradoiro dos Chelos, en Amandi, no que tamén será presentada a programación do Mes do Amandi e os actos da XL Feira do Viño de Amandi.   Isabel Núñez Montero gañou numerosos concursos de carteis nos últimos anos por toda Galicia, entre eles, o convocado pola Festa da Reconquista de Vigo, Festa do Marisco do Grove, Festa da Lamprea de Arbo ou polo Festival de Bandas de Música Concello de Meaño, entre outros.   Finalistas O xurado elixiu ademais 5 finalistas de entre os 38 orixinais que se presentaron, chegados de todo o Estado.   1-'VITIS VINIFERA SEMENTE DA RIBEIRA SACRA, de Doa Ocampo de Areas-Rosende (Sober). 2-'40 ANOS DE FEIRA' de Dulce María López Fernández, de Fene. 3-'PAISAJE' de Rubén Lucas García, de Torreagüera-Murcia. 4-'BAAMANDI' de Eduardo Pérez Bahamonde, de Cambados (Pontevedra). 5-'NIEVA DOS VECES' de Cesar Pérez Otero, de Sober.   Unha decisión dos bodegueiros O xurado estivo composto polos deseñadores locais Humberto Loureiro e Michelín Rodríguez. Eles foron os encargados de seleccionar 6 finalistas e os propios adegueiros que participan na feira elixiron, entre eses seis, o cartel que será imaxe da XL edición da Feira do Viño de Amandi.   Durante a celebración da feira haberá unha exposición cos 38 carteis participantes.