NOVAS DO CONCELLO

NOVAS O CONCELLO DE SOBER DESTINA 430.000 EUROS DOS ORZAMENTOS DE 2020 A MELLORAS DA REDE DE AUGA E SANEAMENTO O Concello de Sober destina 430.000 euros dos Orzamentos de 2020 a melloras na redes de auga e saneamento.   Os investimentos do Goberno local apostan “de xeito claro” pola ampliación da rede de saneamento e abastecemento. Así, hai varias obras que se farán este ano:   1ª Fase de Saneamento Arxemil e Suairexa- Neiras (180.000 euros, pendente de permisos de Confederación e Deputación). 2ª Fase do Saneamento en Arxemil, o Saneamento en O Ventorrillo-Neiras e a distribución da rede de abastecemento en toda a parroquia de Figueiroá e nos lugares de Portizó e Soutonovo en Anllo Santo Estevo, todo elo con 250.000 euros de inversión.   O alcalde, Luis Fernández Guitián, explica que “coas obras previstas arredor do 80% da poboación do Concello contará este ano con auga e saneamento municipal”.   Consíganse ademais a mesma partida que o ano pasado para o mantemento das depuradoras rurais, que están perfectamente atendidas.   Infraestruturas viarias Os Orzamentos para 2020 recollen preto de 250.000 euros para infraestruturas viarias.   En concreto, 85.000 euros para o Plan de Camiños Rurais da Consellería do Medio Rural, 70.000 euros de fondos propios para mellora de accesos, 20.000 euros do Plan Único para aglomerado de accesos, 25.000 euros para accesos a viñedos e 40.000 euros da Consellería do Medio Rural a través do Plan PIR para o aglomerado da estrada de Vilanova-Gundivós a Neiras.   Outras obras previstas son:   -Novo Arquivo municipal e Xulgado de Paz e ascensor no edificio da antiga Cámara Agraria; obras ás que se destinan 60.000 euros cun 80% de axuda de Vicepresidencia da Xunta de Galicia. -Renovación de alumeados públicos, 2ª fase do IDAE con preto de 200.000 euros para cambiar a LED de ultima xeración preto de 500 puntos de luz.   Tamén se vai adquirir un vehículo eléctrico e un punto de recarga, con destino ao servizo municipal de augas e medio ambiente.   O Orzamento total do Concello de Sober para este ano ascende a máis de 2,8 millóns de euros nos que se prioriza o gasto social e o investimento público.