NOVAS DO CONCELLO

NOVAS O CONCELLO DE SOBER REPARTIRÁ 1.200 EUROS EN PREMIOS POLO ENTROIDO O Concello de Sober ten xa preparada a súa programación de Entroido, que arrancará o 13 de febreiro co Xoves de Compadres. O día 20 celebrarase o Xoves de Comadres.   O sábado 22 de febreiro será a quenda do XIV Baile da Cachucha con desfile de disfraces e 1.200 euros en premios.   Ás 17:00 horas haberá desfile de disfraces polas rúas de Sober con saída da Casa do Concello ata o pavillón do CEIP Plurilingüe Virxe do Carme.   A partir das 18:00 horas haberá música, inchables, xogos e merenda para todos e todas as participantes.   Ás 19:30 horas desfile de disfraces e entrega de premios.   E a partir das 20:00 horas degustación de cachucha e viño.   Bases do desfile de comparsas e concurso de disfraces Para a inscrición no desfile de comparsas deberase recoller o impreso de solicitude no Centro Sociocultural de Sober. A información requirida é a seguinte: -        Impreso de solicitude -        Certificado de titularidade da conta do representante do grupo ou comparsa. (Só para comparsas e modalidade de adultos no concurso de disfraces no Baile da Cachucha).   O desfile de comparsas sairá da Praza do Concello as 17:00h. As comparsas colocaranse segundo a orde de chegada, a partir das 16:00 horas. Deberán levar un número de identificación, para que o xurado poida facer a súa valoración, que se recollerá no Centro Sociocultural de Sober, unha vez feita a inscrición.   O xurado valorará o vestiario e a animación ao longo do percorrido, e premiará aos mellores grupos.   As comparsas deberán estar formadas por un mínimo de dez compoñentes. Todas as comparsas terán un premio á participación de 50 euros. Establécese un premio especial á comparsa máis numerosa de 100 euros.   Os premios serán os seguintes: 1º Premio: 200 € 2º Premio: 150€ 3º Premio: 100€ 4º Premio: 60€   Concurso de disfraces Na Modalidade Infantil, os premios son os seguintes:   INDIVIDUAL                   GRUPOS ATA 6 PERSOAS 1º Premio: Vale 50€       1º Premio: Vale 50€ 2º Premio: Vale 30€       2º Premio: Vale 40€ 3º Premio: Vale 20€       3º Premio: Vale 30€   Na Modalidade Adultos, os premios son os seguintes:   INDIVIDUAL                   GRUPOS ATA 6 PERSOAS 1º Premio: 40€                1º Premio: 60€ 2º Premio: 30€                2º Premio: 50€ 3º Premio: 20€                3º Premio: 30€   En primeiro lugar, realizarase o desfile de disfraces da modalidade infantil, a continuación levarase a cabo o desfile de disfraces de adultos. Rematado o concurso de disfraces das dúas modalidades, levarase a cabo a entrega de premios do Entroido 2020 de Sober.