NOVAS DO CONCELLO

NOVAS O CONCELLO DE SOBER ABRE UN NOVO PRAZO PARA SOLICITAR AXUDAS PARA A REHABILITACIÓN DE VIVENDAS O Concello de Sober abre unha nova fase das Axudas á Rehabilitación de Vivendas (ARI) para aquelas persoas interesadas en facer reformas nas súas casas. A quinta fase deste programa, que en Sober comprende a todo o termo municipal, permitirá actuar en 24 vivendas cun orzamento aproximado de 200.000 euros.   Cuarta fase A cuarta fase do programa subvencionado polo Ministerio de Fomento e o Instituto Galego de Vivenda e Solo está aínda en execución. Comprende 11 actuacións en vivendas privadas por importe de 228.000 euros, dos cales o Goberno do Estado e o IGVS van financiar 94.000 euros.   Na cuarta fase estanse a executar obras en Villaoscura, no Castro, en Villoriz, en Sober, en Santiorxo, Barantes, Bolmente, Canabal e en Amandi.   Terceira fase A terceira fase permitiu a mellora de 8 vivendas por un importe de 195.838 euros, dos que foron subvenciados 85.850 euros polo IGVS e o Ministerio de Fomento. Esta fase tamén contou cunha actuación pública, a urbanización do barrio de Figueiroá, por un importe de 28.099 euros, actuación para a que o Concello recibiu unha axuda de 11.900 euros.   Na terceira fase, xa rematada, fixéronse actuacións en Proendos, en Ferrón, en Ousille, en Villoriz, en Sanmil, en Cacedo, en Barantes e en Sober, na capitalidade.   O alcalde de Sober, Luis Fernández Guitián, destaca a posibilidade de acceder a estas axudas que permiten a mellora das construcións existentes, tanto por fóra como no seu interior e anima aos veciños e veciñas a informarse para poder solicitalas.   O persoal da Oficina do ARI atende no Concello de Sober os mércores e venres en horario de 09:00 a 14:00 horas.