NOVAS DO CONCELLO

NOVAS O CONCELLO E AS XUVENTUDES MUSICAIS ACHEGAN ESTE SÁBADO A SOBER O CONCERTO DA ACORDEONISTA LORE AMENÁBAR O Concello e as Xuventudes Musicais de Sober achegan este sábado á localidade o concerto da acordeonista Lore Amenábar. A actuación será ás 20:00 horas no Centro Sociocultural.   O concerto forma parte do ciclo ‘Primavera musical’ no marco do cal haberá outra actuación o día 5 de maio do dúo Opalus, frauta e piano, a cargo de Marta Femenía e Karla Martínez.   Lore Amenábar, acordeón ‘Experiences’ ofrece, sobre todo, obras orixinais para acordeón, que son obviamente contemporáneas, e máis concretamente obras de compositores finlandeses dos séculos XX e XXI. Son obras de pinceladas dispares que nos trasladan a ambientes ou paisaxes descoñecidos. Pero o programa inclúe un guiño ao Barroco con obras de Bach e Pachelbel como pequenas mostras do amplo espectro musical do instrumento.   A acordeonista foi primeiro premio do 86º concurso permanente, (Tui, 2016). Nace en Irura en 1995. A  idade de 8 años inicia os seus estudos de acordeón, en 2009 pasa a ser alumna de Salvador Parada no Conservatorio Francisco Escudero de San Sebastián. En 2013 comeza o Grao Superior con Matti Rantanen en Helsinki.   Obtén o Primeiro premio no Concurso de Acordeón de Arrasate en categoría Infantil (2008) e Junior (2011), primeiro premio no concurso de Xóvenes Músicos de Euskadi a nivel individual e segundo en música de cámara xunto ao clarinetista Iván Arostegui en 2013.   Ademais, participou na gravación da obra de Francisco Escudero Fantasía Geosinfónica baixo a batuta de Iñaki Alberdi en 2010. En 2015 consigue o cuarto posto en Klingenthal Accordion Competition. Ademais, en 2016 interpretou a Premier de Helsinki da obra Niin kauan minä trampaan de Paavo Korpijaakko xunto ao cuarteto de cordas da Filarmónica de Helsinki. Finalmente, acaba de obter o primeiro premio no Concurso Permanente de Xuventudes Musicais de España. Actualmente, continúa os seus estudos de postgrao en Sibelius Akatemia con Mika Väyrynen.   Programa M. Lindberg: Jeux d´anches J.S. Bach: BWV 659 - Nun komm der Heiden Heiland J. Kaipainen: Vento J.M. Sánchez-Verdú: Arquitecturas do silencio J. Pachelbel: Chacona en Fa menor V. Kujala: Mephisto Maze (Estreno en España)