NOVAS DO CONCELLO

NOVAS O CENTRO SOCIOCULTURAL DE SOBER ACOLLE O SÁBADO O CONCERTO DA ACORDEONISTA OLGA MORRAL BISBAL O Centro Sociocultural do Concello de Sober acollerá este sábado día 4 de xuño ás 20:00 horas un concerto da reputada acordeonista Olga Morral Bisbal. Esta actividade, que será de balde para todos os asistentes, está organizada polo Concello do municipio soberino en colaboración coas Xuventudes Musicas de Sober e forma parte da Primavera Musical que organizan ambas entidades.   Morral deleitará aos asistentes con pezas de autores como W.A Mozart, Joseph Haydn, Keiko Harada, Tokio Hosokawa ou J.S Bach.   Olga Morral Bisbal naceu na localidade Cerdanyola del Vallès, en Barcelona, no ano 1992. Iniciou os seus estudos de acordeón aos 8 anos da man de Raquel Prat na Escuela de Música de Cerdanyola del Vallés e posteriormente estudou coa mestra Pilar Planavila. No 2015 finalizou o Grao Superior no Centro Superior de Música do País Vasco. Actualmente continúa a súa fomación na escola alemana Hochschule für de Würzburg.   Reputada acordeonista Entre os seus galardóns destacan o Terceiro Premio no Certame Internacional de acordeón Arrasate Hiria no ano 2014 e ese mesmo ano gañou o primeiro premio no Concurso Permanente de Xuventudes Musicais de España na modalidade de acordeón.   O alcalde do municipio soberino, Luis Fernández Guitián, convida a todos os veciños e veciñas a asistir a este recital.