NOVAS DO CONCELLO

NOVAS A SEGUNDA FASE DA ÁREA DE REHABILITACIÓN DE SOBER PREVÉ UN INVESTIMENTO DE 500.000 EUROS EN 30 VIVENDAS O Goberno local do Concello de Sober asinara esta mesma semana co Ministerio de Fomento os convenios que posibilitarán que a segunda fase da área de rehabilitación integral (ARI) destine un investimento de 500.000 euros ao arranxo de 30 vivendas na totalidade do termo municipal. Na primeira fase o investimento foi similar e serviu para rehabilitar 23 construcións. O ARI de Sober é o único de Galicia que afecta a todo o Concello.   2º Fase del ARI de Sober (ata decembro de 2016): Custo total das obras de Rehabilitación: 408.000 € Custo total das obras de Reurbanización: 60.000 € Custo total do Equipo Técnico de Xestión: 42.857,14 € Custo total da actuación: 510.857,14 €   O Ministerio de Fomento destinará a esta fase a cantidade de 178.000,00 €, o que supón unha porcentaxe estimada do 35% do custo total das actuacións. Pola súa banda, o Concello de Sober achega a cantidade de 66.857,14 €, o que representa unha porcentaxe total estimada do 13,09%. Os particulares poñen 265.200,00 €, o 51,91% do custo total das obras.   O Goberno local prevé que se leven a cabo 30 actuacións de rehabilitación por importe de 408.000 euros. Desta cantidade o Ministerio de Fomento achega142.800 €. O Concello poderá facer actuacións de reurbanización cuantificadas en 60.000 euros, dos que o Ministerio achega 21.000 euros. Fomento destina ademais 15.000 € para a xestión da oficina do ARI.   Nesta segunda fase concederanse subvencións de ata 11.000 euros por vivenda, ata un máximo do 35% do orzamento. A presentación das solicitudes pode facerse no Concello ou na oficina de rehabilitación.   Resumo da 1º Fase do ARI de Sober:   Actuacións de Reurbanización. Custe total: 114.000 €. Fomento fixo unha achega de 34.200 euros e o IGVS 34.200 euros. Pola xestión do ARI Fomentou achegou 24.750 €.   Executáronse 23 obras de rehabilitación en vivendas que suman un custe total executado de 447.554,90 €, dos cales o Ministerio de Fomento achegou 113.604,19 € e o IGVS 82,142,44 €.   As parroquias onde se fixeron obras foron Sober, Canabal, Doade, Proendos, Figueiroá, San Martiño de Anllo, Gundivós, Rosende e Pinol.  Con respecto ás actuacións de infraestruturas e urbanización, o Concello executou a día de hoxe obras na Calle da Estación de Canabal e a praza de Doade cun investimento de 52.114,28 €, dos cales Fomento puxo 15.634,28 € e o IGVS 15.634,28 €. Están pendentes obras de reforma en prazas e espazos urbanos de Naz, A Pena de Proendos, Mer, Pinol e Rosende, cun investimento de máis de 70.000 euros. Son actuacións que se executarán antes de marzo de 2016.   Para a xestión da oficina do ARI Fomento destinou 24.750 €. Na primeira fase as subvencións para rehabilitación foron de ata 11.600 euros por vivenda, ata un máximo do 75% del presuposto.