NOVAS DO CONCELLO

NOVAS O CONCELLO DE SOBER AGRADECE A ALTA PARTICIPACIÓN NO CONCURSO DE FOTOS DA VENDIMA O Goberno local do Concello de Sober agradece a alta participación que se rexistrou no concurso de fotografías da vendima que se puxo en marcha en setembro a través do Facebook oficial. Máis de 100 persoas compartiron as súas imaxes a través da rede social.   Unha vez remataron os traballos en todas as adegas e tras o pertinente reconto de ‘Me gusta’ nas fotografías, o Goberno local dá a coñecer aos gañadores. O único criterio que se tivo en conta foi o número de persoas que votaron a cada imaxe a través do Me Gusta, de maneira que foron os propios seguidores do Facebook oficial do Concello de Sober os que decidiron qué fotos son as mellores.   Modalidade de fotografía convencional Ana LR, con 261 gústame Verónica Bao, con 246 gústame Rosi Díaz, con 239 gústame   Modalidade de selfie Emilio Xosé, con 292 gústame Javi Chavián, con 249 gústame Rosa Fernández, con 117 gústame   O rexedor, Luis Fernández Guitián, afirma que este concurso ten servido “como escaparate de todo o bo traballo que os nosos adegueiros fan para obter os mellores viños do mundo. Queremos que cada unha das imaxes sirva como unha homenaxe a todos e todas as traballadores que ano a ano participan nas duras tarefas da vendima no noso Concello”.   O Goberno local abre un prazo de catro días, ata o vindeiro martes, para comunicarse cos gañadores e por se houbera algunha reclamación. De seguido farase a entrega de premios. O primeiro de cada unha das categorías será obsequiado cunha cea no Restaurante Merenzao, de Cadeiras, o segundo cun lote de botellas de viño de Amandi e o terceiro cunha peza de olería de Gundivós.