No ano 2011 os nosos viños foron recoñecidos cun selo específico de “Viticultura Heroica” outorgada polo CERVIM, organismo internacional que tenta conservar os valores da viticultura de montaña que só se dá no 5% do conxunto de viñedos mundial. Este termo fai referencia as condicións do terreo no que os nosos adegueiros cultivan un dos mellores caldos que se coñecen.
Sobre as paredes que descenden directamente ao río de ata 500 m de desnivel, e con inclinacións de ata un 85%, agroman cada ano as uvas que dan orixe os viños de Amandi, estamos a falar de cepas milenarias que xa os romanos explotaban para producir o ouro líquido do Sil desafiando á vertixe desde os socalcos.
Este tipo de cultivo impide a mecanización, polo que todo o traballo se fai a man, movéndose entre as cepas coma se fose un exercicio acrobático. É na Feira do Viño de Amandi (a fin de semana do domingo de Ramos) onde se celebra o resultado de este gran esforzo, e se pode catar e premiar o resultado de todo o traballo realizado polos nosos viticultores heroicos.
Coa creación da Denominación de Orixe Ribeira Sacra o sector profesionalízase e desde o mundo do viño rehabilítanse os viñedos en socalcos e recupérase a paisaxe. O viño é hoxe un sector puxante e dinámico e un dos principais motores económicos da zona e impulsor definitivo da Ribeira Sacra como destino turístico.
“La belleza que rodea este territorio es fruto de la brisa perfumada respirada al caminar entre fentos y carballos, el sol que bendice los días y las brumas de los amanaceres. El agua del Sil (sagrado corazón de Amandi), los incontables regatos que serpentean en los meses más húmedos.
Sangre que será sabia y sabia que será vino, vino, fruto del trabajo para compartir o recibir a los recién llegados siendo esta la mejor carta de presentación pues es pura esencia, sustancia del espíritu y del ecosistema que habitamos, el Paraíso Terrenal.
Patrimonio Humano y Naturaleza que algún día conocerá la humanidad,siendo actualmente el tesoro que encuentran las almas errantes para quedarse.”……………(Eva Amaral pregoeira na XLI Feira do Viño de Amandi )
Para saber máis:
