- ALCALDÍA -

Sober dáche a benvida a través das novas tecnoloxías.

De acordo co compromiso de dotar ao Concello de novos servizos, poñemos a disposición de todos e todas un novo portal de atención á cidadanía con melloras substanciais e presentado de forma atractiva, coa intención de converterse nun espazo de diálogo útil e eficaz con vós.

O obxectivo é ir evolucionando grazas ás vosas suxestións e opinións, e conseguir así que Sober sexa un Concello de referencia e á vangarda, un Concello digno de ser mostrado e coñecido. Porque Sober, é moito Sober.

Os nosos recursos fan que poidamos ofrecer unha ampla e única oferta turística, cultural, deportiva, gastronómica e de ocio.

Para min, como Alcalde, pero principalmente como soberino, Sober non é só un Concello, é un gran espazo con multitude de posibilidades, de intercambio social e cultural; contamos cun entorno de ilusión que debe medrar e evolucionar para que todos e todas poidamos levar adiante os nosos proxectos persoais nun clima de dinamismo, respecto, convivencia e creatividade. Por elo, dende as fiestras abertas que configuran esta páxina Web, convídovos a compartir con nós as vosas ideas e proxectos, para, xuntos, deseñar, impulsar e desenvolver o Sober do futuro, contando co Sober do presente e sen esquecer o Sober do pasado.

Luis Fernández Guitián
(Alcalde de Sober)

Contacto: alcaldia@concellodesober.com