|
|
NOVAS |
O CONCELLO DE SOBER ABRE O PRAZO PARA PRESENTAR OFERTAS PARA EXPLOTAR O BAR DA ÁREA RECREATIVA DE CADEIRAS
O Goberno local do Concello de Sober vén de abrir o prazo para presentar ofertas para a concesión da explotación do bar da área recreativa de Cadeiras, en Pinol. Trátase, tal e como apunta o alcalde, Luis Fernández Guitián, dun lugar moi emblemático do turismo da Ribeira Sacra, próximo ao Canón do Sil e ao miradoiro de Cadeiras e con vistas ao santuario.
O contrato será anual e terá un custo de 120 euros sen IVE. O local conta con todos os servizos. O horario de apertura ao público será aproximadamente de luns a domingo de 12:00 a 20:00 horas.
Correrán a cargo do adxudicatario os gastos correntes derivados do funcionamento da actividade, como o consumo da electricidade, lixo e outros.
O prazo de presentación das solicitudes esténdese ata o luns 26 de agosto ás 14:00 horas.
Os interesados poden obter máis información no perfil do contratante da web institucional www.concellodesober.com ou no número 982 46 00 01.
|
|
|
|
|
|