Gustaríame como alcalde invitar a todo aquel que se asome a este pequeno miradoiro virtual, para saber algo mais do noso municipio enclavado en plena Ribeira Sacra, a visitarnos e coñecer in situ a gran beleza destas terras. Natureza e tradición danse a man nun entorno privilexiado tanto pola súa singular paisaxe, como polo seu legado histórico e monumental. Se a isto engadimos os nosos excelentes caldos, ós que rendemos homenaxe na Feira do Viño de Amandi, e a deliciosa gastronomía fan deste municipio un pequeno paraíso no sur lucense.
A música forma parte da vida dos veciños/as de Sober cunha das bandas de música municipais mais antigas de Galicia.
Oficios tradicionais como a olería mantense viva a través dos séculos sen perder un só ápice de delicadeza na elaboración das súas pezas. A amabilidade e hospitalidade das nosas xentes unidos a tódolos atractivos da nosa terra fan de Sober un lugar inesquecible.
Agardámolos.
Un saúdo moi cordial.
José Gómez Vázquez
Alcalde de Sober.
|
Axenda 
