SEDE ELÉCTRONICA
 
 
OLERÍA DE GUNDIVOS
 
 

“Ao pasar por Gundivós
o primeiro que se ve
son as olas a secar
e os fornos a cocer”

 


 

Esta copla popular deixou de ter plena validez hai case trinta anos, cando a modernidade e os apuros económicos afectaron tamén á parroquia de Gundivós provocando unha forte emigración.

Aínda así, o amor dos oleiros polo seu oficio e o recoñecemento dos decoradores conseguiron que esta tradición non chegase a morrer. Hoxe o futuro empeza a ser esperanzador, catro artesáns dedícanse á realización de cacharros.

Os oleiros de Gundivós centráronse na realización de pezas que tiñan unha utilidade práctica para a xente da comarca de Lemos. Así, as súas vasillas están pensadas para ser utilizadas na cociña, na bodega e nas matanzas, fundamentalmente. Tampouco faltaban os remates para os tellados, que eran considerados símbolos de fertilidade.

A principal característica desta olería é que as pezas destinadas a estar en contacto co viño impermeabilizábanse con pez. Este procedemento, único na cerámica galega e practicamente na española, segundo os oleiros, servía ademais como conta a tradición popular para mellora-lo sabor das bebidas. Tal vez é por iso que os xerros de Gundivós no faltan aínda hoxe en ningunha bodega. As pezas encetadas non poden estar en contacto con líquidos quentes nin con alcohois fortes, como a augardente, xa que a capa de pez derreteríase.

A pez aplícase unha vez que a peza está cocida. Para iso exponse directamente ó lume, de forma que a calor derrete o po de pez formando no interior das pezas unha capa brillante e de cor negro. A parte de fóra tamén queda moura debido ós efectos do fume.

Este negro exterior é outra das características da cerámica de Gundivós, altamente apreciada na actualidade para fins decorativos. Por iso os artesáns de hoxe lle dan esta cor practicamente á totalidade das súas pezas, independentemente de que estean ou non empezadas.
Tradicionalmente, a cor das pezas que non se impermeabilizaban era rubio.

Esta nova utilización da cerámica de Gundivós fixo tamén amplia-la diversidade de pezas xa que xunto ás utilitarias estanse fabricando outras exclusivamente con fins decorativos. As novas pezas están inspiradas en vasillas tradicionais e normalmente realízanse por encargo.

A cerámica de Gundivós véndese agora mesmo nas mellores tendas de decoración de toda España. Tamén se vende nas casas dos propios oleiros.
 

 
 
Historia do Concello
  Historia
  Patrimonio
  Medio Natural
  Lendas
  Situación
Concello de Sober
  Alcaldía
  Corporación Municipal
  Normativa Municipal
  Secretaría
  Contacto
Servizos do Concello
  Enlaces
  Axenda
  Télefonos
  Transporte Público
Oficina de Turismo
  Rutas
  Aloxamentos
  Festas
  Miradores turísticos Qcalidad
  Galería Fotográfica
Novas do Concello
As Nosas Parroquias
O Viño e Adegas
  O Viño
  Adegas
Nota Legal · Política de Privacidade · Política de Cookies
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
PO FSE Galicia 2014 -2020
"Invierte en tu Futuro"
Uni?n Europea
Publicado el 18 de Nov. de 2020
Feder Galicia
 
Feder Galicia
 
Moves

prodesin.com