|
|
NOVAS |
O CONCELLO DE SOBER INAUGURA O CENTRO DE XOGO INFANTIL ‘A MARIOLA’
O Concello de Sober inaugurou hoxe o centro de xogo infantil ‘A Mariola’ emprazado na Praza do Pulpo da localidade.
O acto de inauguración estivo presidido polo alcalde, Luis Fernández Guiitán, e o xerente do GDR Ribeira Sacra-O Courel, Martín Alemparte. Neste primeiro día de funcionamento o centro contou ademais coa visita dos nenos e nenas do Punto de Atención á Infancia de Sober, así como daqueles que quixeron achegarse.
A partir e hoxe ‘A Mariola’ será un centro de xogo no que celebrar festas de cumpreanos e outros eventos infantís.
Usuarios e familias poderán facer uso do centro de xogo de xeito gratuíto. Mañá venres, o sábado e o día 7 abrirá en horario de 11 a 13:00 horas para quen queira achegarse a estrealo.
Instalacións
O centro ten 90 metros cadrados e está equipado cunha área de xogo, un parque de bolas e múltiples xogos de mesa, entre outros. Tamén conta con cociña e con mesas para facer actividades ou para merendar. Tan ademais aseos, unha zona de recepción e unha sala de espera para os adultos.
O investimento realizado alcanza os 37.000 euros, cunha axuda do LEADER a través do GDR Ribeira Sacra-Courel e outra achega do Concello.
O alcalde de Sober, Luis Fernández Guitián, anima ás familias a achegarse a coñecer ‘A Mariola’, “un novo espazo de xogo no que os nenos e nenas poden entreterse e divertirse na localidade”.
|
|
|
|
|
|