SEDE ELÉTRONICA
 
 
NOVAS DO CONCELLO
 
NOVAS
INÉS MORENO OFRECE O SÁBADO UN CONCERTO DE CLAVE NO CENTRO SOCIOCULTURAL DE SOBER ÁS 19:30 HORAS



O Concello de Sober segue adiante coa súa ampla programación de Nadal á que suma un concerto de clave das Xuventudes Musicais a cargo de Inés Montero o vindeiro sábado día 21. A actuación, aberta ao público, será ás 19:30 horas no Centro Sociocultural de Sober.
 
Inés nace en Madrid (España) en 1995. Con oito anos comeza os estudos de clave no Escorial con Denise de La-Herrán e máis tarde con Jordan Fumadó, rematando en 2013 con Matrícula de Honra. Con 17 anos trasládase a Suíza onde é aceptada na prestixiosa Schola Cantorum Basiliensis en Basilea na clase de Andrea Marcon para realizar os seus estudos superiores. Finaliza a carreira en 2016 con máximas cualificacións.
 
Participou en Masterclases de clave con Olivier Baumont, Jacques Ogg,
Ferdinando Tagliavini, Jean-Marc Aymes e Bertrand Cuiller. Gañou o primeiro premio da primeira edición do Concurso de Música Antigua, na 92.ª edición do concurso permanente de Juventudes Musicales de España en 2018, e o segundo premio no Concurso Internacional de Clave en Bologna en 2019. Gañou tamén o primeiro premio na Competición ORDA (Ámsterdam) na categoría de música de cámara en 2012 e foi finalista na XXI Johann-Sebastian-Bach-Competition en 2018 (Leipzig).
 
Pertence ao grupo “Vivalma Ensemble” co que tocou na Fundación Juan March en 2017 e en 2018 participou na XXXI Edición de Clásicos en Verano.
 
O programa
No programa haberá tres tipos de pezas: a música baseada en temas e danzas populares da época, como o eran a Romanesca, o pasamezzo moderno, a Folía e a Ciaconna; tocatas, que son pezas máis libres moi características da época e que caracterizan a moitos autores e pezas por movimentos como o é a Suite de Domenico Zipoli, que consta de Preludio, Corrente, Sarabanda e Giga (estas tres últimas danzas tamén).
 
Diego Ortiz: (ca. 1510 - ca. 1576)
 
-Recercada Settima sobre la Romanesca
 
-Recercada Segunda sobre el Passamezzo moderno
 
 Tratado de glosas sobre cláusulas y otros géneros de puntos en la música de violones, Roma 1553
 
 Girolamo Frescobaldi: (1583 - 1643)
 
-Toccata Seconda
 
Il secondo libro di toccate, canzone, versi d’hinni, Magnificat, gagliarde, correnti ed altre partite d’intavolatura di cembalo ed órgano, 1627
 
 Bernardo Storace: (ca. 1637 - ca. 1707)
 
-Ciaccona
 
-Ballo della battaglia
 
 Selva di varie composizioni d’intavolatura per cimbalo ed órgano, 1664
 
 Domenico Zipoli: (1688 - 1726)
 
-Suite in sol minore
 
Preludio – Corrente – Sarabanda - Giga
 
Sonate d’Intavolatura per Organo e Cimbalo, Op. 1, 1716
 
Alessandro Scarlatti: (1660 - 1725)
 
-Toccata per cembalo d’Ottava stesa
 
Primo Tono Preludio – Adagio – Fuga – Adagio - Follia


 
 
Historia do Concello
1·Historia
2·Patrimonio
3·Medio Natural
4·Lendas
5·Situación
Concello de Sober
1·Alcaldía
2·Corporación Municipal
3·Normativa Municipal
4·Secretaría
5·Contacto
Servizos do Concello
1·Enlaces
2·Axenda
3·Télefonos
4·Transporte Público
As Nosas Parroquias
 
Oficina de Turismo
1·Rutas
2·Aloxamentos
3·Festas
4·Galería Fotográfica
Novas do Concello
 
O Viño e Adegas
1·O Viño
2·Adegas
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
prodesin.com