|
|
NOVAS |
A ESCOLA MUNICIPAL DE TEATRO DE SOBER ABRE O PRAZO DE INSCRICIÓN
A Escola Municipal de Teatro de Sober, que dirixe Eva F. Ferreira, vén de abrir o prazo de inscrición. Os interesados e interesadas poden anotarse ata finais do mes de setembro no Centro Sociocultural ou ben no teléfono 982 46 05 13.
As clases darán comezo o venres día 4 de outubro ás 20:00 horas no Centro Sociocultural de Sober.
A Escola Municipal de Teatro de Sober afronta o seu quinto ano de vida. Neste tempo fixeron dez pezas da propia escola (seis de teatro adulto e catro de infantil), dúas colaboracións coa Escola de Música, actividades teatrais na Biblioteca (Día do Teatro, Día do Libro e Letras Galegas) e participaron nas dúas edicións do festival Escaleira Literaria de Sober.
|
|
|
|
|
|