|
|
NOVAS |
O CONCELLO DE SOBER COMEZA A REFORMA DOS PENDELLOS DE CADEIRAS
O Goberno local do Concello de Sober vén de comezar a reforma dos pendellos de Cadeiras, situados ao carón do Santuario. A obra realizarase en 40 metros liñais dos pendellos de cara o este, por ser os que presentan un maior deterioro.
Con esta actuación cambiarase por completo a cuberta, que levará madeira de castiñeiro e tella curva tradicional. Tamén se cambiaron catro columnas de granito do país que presentaban un alto deterioro.
Ao mesmo tempo vai acondicionarse o chan con xabre tradicional compactado.
A obra está cofinanciada por Turismo de Galicia, que achega o 60 por cento, e o Concello de Sober, que asume o 40 por cento dun orzamento total de 50.000 euros. As obras están sendo executadas pola empresa local Construcciones Piñeiro.
Está previsto que os traballos rematen no mes de novembro.
|
|
|
|
|
|