NOVAS DO CONCELLO

NOVAS AS FESTAS DO CARME DE SOBER ARRANCAN O VENRES DÍA 13 COA ACTUACIÓN DE LUCÍA PÉREZ E A RODA O Concello de Sober colabora coas Festas do Carme que se van celebrar na capitalidade os días 13, 14, 15 e 16 de setembro, de venres a luns, festa local. A celebración arranca o venres día 13 cunha actuación do grupo A Roda e a cantante Lucía Pérez ás 23:00 horas na Praza do Concello.   O sábado o pasarrúas correrá a cargo de Rechouchíos de Taboada. Haberá misa solemne na Igrexa Nova á unha do mediodía e sesión vermú con Rechouchíos.   Ás 19:00 horas a Praza do Toural será o escenario para o encontro de dúas bandas militares: Unidade de Música do Terzo Norte da Armada de Ferrol e Unidade de Música do Cuartel Xeral da Forza Loxística Operativa da Coruña.   Ás 21:00 horas haberá baile coa Orquestra Canela e ás 24:00 horas actuación de Sr. Aliaga.   O domingo día 15 o pasarrúas correrá a cargo da Banda de Música de Sober. Ás 13:00 horas haberá procesión e misa solemne cantada polo Coro Berea. Ás 14:00 horas haberá concerto vermú coa Banda de Música de Sober.   Xa pola tarde, ás 19:00 horas será a quenda do espectáculo familiar Saaabor! e ás 21:30 horas baile e verbena coa Orquestra Suavecito.   O luns 16 de setembro, festa local en Sober, haberá misa solemne ás 13:30 horas na Igrexa Nova. A partir das 20:30 horas gran paellada xigante e gratuíta a cargo do mestre cociñeiro José Arias. O acompañamento musical correrá a cargo de Estrellas.