|
![](imagenes/sep2.png) |
NOVAS |
O CONCELLO DE SOBER ORGANIZA O VENRES UNHA XORNADA DE PORTAS ABERTAS NAS PISCINAS
![](imagenes/lin.jpg)
O Concello de Sober organiza para este venres día 29 unha xornada de portas abertas nas piscinas municipais con acceso gratuíto para todos e todas os usuarios.
O horario de acceso ao público será de 13:00 horas a 21:00 horas de luns a domingo. As instalacións está dotadas de conexión wifi gratuíta. Entre as actividades para este verán están previstas dúas xornadas con inchables de auga gratuítos.
Bonos familiares e individuais
A partir do venres, o prezo da entrada será de 2,5 euros para os adultos e 1,5 euros para os nenos e nenas comprendidos entre os 10 e os 15 anos. Para os máis pequenos o acceso será de balde. Tamén se porán a disposición bonos mensuais, cun aforro para quen os adquira. O mensual familiar terá un custo de 40 euros, mentres que o individual custa 30 euros.
O Concello acondicionou e ampliou o espazo de sombra na carballeira, onde se van organizar parte das actividades programadas polo Goberno local. A oferta lúdico-festiva que ofrece o Concello inclúe clases de natación para nenos e adultos, aquagym, bibliopiscina, xincanas, talleres e actuacións musicais, entre outras.
|
|
|
|
|
|