NOVAS DO CONCELLO

NOVAS O CONCELLO DE SOBER ARRANCA HOXE A XIMNASIA DE MANTEMENTO PARA MAIORES O Goberno local do Concello de Sober arranca hoxe luns a ximnasia de mantemento para maiores que se levará a cabo no ximnasio municipal da capitalidade e nos Locais Sociais das distintas parroquias.   Así o avanzou ao alcalde de Sober, Luis Fernández Guitián, quen precisou que “é unha actividade que ten como obxectivo manter ou mellorar o estado físico dos participantes, pero tamén axuda a que os usuarios se sintan activos e ademais convértese nun punto de encontro e de relacións sociais”, engadiu.   As persoas interesadas en anotarse ou solicitar información poden dirixirse ao Centro Sociocultural.   O alcalde tamén avanzou que o ximnasio municipal de Sober tamén comeza a funcionar esta semana. O horario de apertura é os martes e os xoves de 17:30 horas a 20:30 horas. E precisou que “no mes de novembro ampliarase o horario de funcionamento”.   Guitián recordou que “as súas instalacións contan con dúas salas, unha para actividades múltiples e outra na que se atopa os aparatos de ximnasia como bancos de musculación, bicicletas estáticas, elípticas, cinta de correr, step...”   O rexedor apuntou que tanto a ximnasia de mantemento como o uso de ximnasio municipal son actividades gratuítas que o Goberno local ofrece a todos os veciños e veciñas”. O alcalde anima a todos os soberinos e soberinas a sumarse a estas actividades colectivas “que contribúen a estar en forma e pasar unha tarde de diversión”.       Horarios da Ximnasia de Mantemento   O horario das actividades será o seguinte:   Vilaescura, luns ás 16:00 horas. Anllo, luns ás 17:00 horas. Rosende, luns ás 18:00 horas Canabal, luns ás 19:00 horas. Sober, martes e xoves ás 17:30 e 17:00 horas, respectivamente. Doade, mércores ás 16:00 horas. Bolmente, mércores ás 17:00 horas. Figueroá, mércores ás 18:00 horas. Neiras, mércores ás 19:00 horas. Arxemil, xoves ás 16:00 horas.