NOVAS DO CONCELLO

NOVAS OS ALUMNOS MÁIS NOVOS DA ESCOLA MUNICIPAL DE TEATRO DE SOBER REPRESENTAN MAÑÁ ‘SIRA E O ROBOT’ Os alumnos e alumnas que forman parte da Escola Municipal de Teatro Infantil de Sober representan mañá, para pórlle remate ao curso, a obra Sira e o robot: Adventures on Titan. A representación terá lugar ás 17:30 horas no Centro Sociocultural. Os nenos e nenas que forman parte do grupo interpretarán esta peza en galego e inglés.   Sinopse Galicia, ano 2.050. O inglés acaba de ser declarado lingua oficial, xunto co galego. Sira, unha rapaza de dez anos aburrida da vida terrestre, descubre a existencia dun planeta idílico: Titán, onde nunca chove e todo o mundo vive feliz. En compañía do seu robot, William, comezará unha aventura con destino á sexta lúa de Saturno.   A obra é de Mark Wiersma e Miguel Mosqueira (Edicións xerais, 2015). A dirección e adaptación correu a cargo de Eva F. Ferreira.   Elenco BRAIS, como David, Voz en chinés, Rapaz do tambor e Xurado 2. EVA, como Nena, Voz en francés, Rapaza do tambor e Xurado 1. HÉCTOR, como Pai e Avó de Sira. HERBERT, como William, o robot.  JAZMÍN, como Profesora e Presentadora 2. LAURA, como Nai e Avoa de Sira. MELINDA, como Laura, Voz en portugués e Presentadora 1. UXÍA, como Sira.    A responsable da Escola Municipal de Teatro de Sober agradece ás familias do alumnado e ao persoal do Centro Sociocultural a súa colaboración. Tamén convida ao público a participar na representación. Está previsto que o grupo formado por adultos faga tamén unha representación. Será este sábado día 25 ás 20:30 horas.   Neste primeiro ano de actividade a Escola Municipal de Teatro de Sober contou coa participación de preto de 20 alumnos, entre nenos e maiores.