NOVAS DO CONCELLO

NOVAS A XUNTA INCLÚE AO CEIP PLURILINGÜE VIRXE DO CARME DE SOBER NUN PROXECTO PIONEIRO CON ROBOTS O CEIP Plurilingüe Virxe do Carme de Sober formará parte dun proxecto pioneiro promovido pola Dirección Xeral de Centros da Xunta de Galicia que introduce robots e a linguaxe de programación no centros escolares a través das bibliotecas.   En concreto, o centro soberino contará con catro destes robots no marco do proxecto Escornabots. A experiencia pretende estimular a iniciación do alumnado de Infantil e Primaria no campo da robótica e a linguaxe da programación a través de actividades manipulativas mediante o uso de pequenos robots, bautizados como Escornabots.   Trátase, como explican desde o CEIP Plurilingüe Virxe do Carme de Sober, de facer actividades que combinen a expresión oral, alfabetizacións múltiples, aprendizaxe manipulativo, xogos, investigación e traballo colaborativo.   O alcalde da localidade, Luis Fernández Guitián, agradécelle o traballo feito ao CEIP Plurilingüe Virxe do Carme que conseguiu ser un dos centros nos que se implantará este proxecto piloto. O rexedor anima ao alumnado a facer un uso intensivo destes robots e sacarlles o maior partido.