|
|
NOVAS |
AS FESTAS DO CARME DE SOBER ENCHERÁN A LOCALIDADE DE MÚSICA E ACTIVIDADES DURANTE CATRO DÍAS
A comisión organizadora, en colaboración do Concello de Sober, xa ten pechada a programación para as Festas do Carme, que se desenvolverán na capitalidade os días 18, 19, 20 e 21 de setembro. O luns 21 será día de festa local en Sober. Ao longo dos catro días que dura a celebración actuarán 10 grupos musicais, haberá actividades infantís, relixiosas, deportivas e musicais. Para a clausura volverase facer a tradicional paella xigante.
Mañá día 13 ás 19:00 horas haberá unha misa na Igrexa de San Martiño seguida de procesión con imaxe da Virxe do Carme ata a Igrexa Nova de Sober.
Venres día 18
As Festas do Carme empezan oficialmente o día 18, venres, coa inauguración da exposición de pintura de Ana Saavedra no Centro Sociocultural. Ás 20:30 horas lanzaranse 16 bombas de palenque lembrando o día do Carme -16 de xullo- e farase a inauguración do alumado artístico. Ás 20:30 horas haberá baile e verbena coa Orquestra Los Player’s.
Sábado día 19
O sábado día 19 haberá un pasarrúas co grupo de música tradicional Merenzao. Ás 13:00 horas haberá misa solemne na Igrexa Nova á que lle seguirá, ás 13:30 horas, a sesión vermú co grupo Merenzao e a actuación das Pandereteiras de Monforte. Ás 19:00 horas será a quenda do espectáculo de novo circo Le trisca inmobile a cargo de Isla le trisca, na Praza do Toural.
Ás 21:00 horas haberá baile e verbena coa Orquestra Royal e a Orquestra de Galicia. Ás 24:00 horas actuarán Os Parentes e The Carallos, na Praza do Toural.
Domingo día 20
Pola mañá haberá un pasarrúas coa Banda de Música de Sober. Ás 13:00 horas procesión polas rúas da localidade con acompañamento da Banda de Música de Sober e misa solemne cantada por O Trícole. De seguido, concerto vermú coa Banda de Música de Sober.
Xa pola tarde, disputarase o Trofeo de Fútbol no campo do Centeás Sober-Chantada B. Ás 21:00 horas haberá baile coa Orquestra Solara e ás 23:00 actuación estelar da cantante Lys Pardo.
Luns día 21
Ás 11:30 horas haberá un pasarrúas a cago dun grupo de música tradicional. Ás 12:30 misa na Igrexa Nova. Pecha a festa a gran paella xigante cociñada por José Arias, de balde para todos e todas os asistentes. Contará co acompañamento musical da charanga NBA.
|
|
|
|
|
|