NOVAS DO CONCELLO

NOVAS O ALCALDE DE SOBER ASUME DE NOVO A ÁREA DE TURISMO “PARA DARLLE UN NOVO PULO DESDE O NOSO CONCELLO AO NÚMERO DE VISITANTES QUE SE ACHEGAN A RIBEIRA SACRA” A Corporación de Sober vén de celebrar o seu Pleno de organización no que se aprobou que o alcalde, Luis Fernández Guitián, asuma de novo as áreas de Cultura e turismo e incorpore réxime interior. O rexedor explica que o seu propósito é o de “deseñar accións, desde o noso Concello, que contribúan a darlle un novo pulo ao número de turistas que visitan a Ribeira Sacra”.   No Pleno quedaron constituídos os tres grupos municipais. Fernández Guitián é o voceiro do PP, Iñaki González o do PSdeG-PSOE e Paula Vázquez Verao a de Agroma Sober.   A Xunta de Goberno local estará presidida polo rexedor e integrada por Domingo López como primeiro tenente de Alcalde, Elías González como segundo tenente de alcalde e Sonia Fernández como terceira tenente de alcalde. A Xunta de Goberno reunirase o primeiro e terceiro luns de cada mes as 10 horas.   Os plenos ordinarios celebraranse o último xoves dos meses impares ás 20:00 horas no inverno e ás 21:00 horas nos meses de verán.   Delegacións Medio Rural, viticultura e infraestruturas agrarias: Domingo López Fernández.  Comercio, Industria e Artesanía: Elías González Prieto.  Política medioambiental, agroforestal e gandeira: Sonia Fernández Martínez. Benestar Social e Saúde: Carmen Pérez Pérez.  Servizos (limpeza, alumeado, augas e saneamento): Abel López Fernández. Deportes, mocidade, ensino e políticas de igualdade: José Quevedo Pérez.    O Pleno aprobou tamén a creación de dúas comisións, unha especial de contas e facenda e a comisión de delegados.   O representante no Consello Escolar do CEIP Virxe do Carme será Elías González Prieto, mentres que no GDR Ribeira Sacra e no Consorcio de Turismo Ribeira Sacra será o rexedor, Luis Fernández Guitián. O Goberno local aprobou unha única dedicación exclusiva para o alcalde dotada con 1.700 euros mensuais, a mesma cantidade que o pasado mandato.