|
|
NOVAS |
SOBER CELEBRA UNHA HOMENAXE INSTITUCIONAL POLAS VÍTIMAS DO FRANQUISMO
A xunta de portavoces do Concello de Sober ultima a homenaxe institucional ás vítimas do franquismo acordada pola unanimidade do Pleno da Corporación por iniciativa de Anova de Sober.
O acto terá lugar o sábado día 25 ás 12 da mañá na Casa da Cultura e comezará cunha sesión plenaria de homenaxe na que se lerá un manifesto acordado polos grupos que forman a Corporación. De seguido, desenvolverase unha mesa redonda sobre a represión en Galicia. Tamén haberá espazo para a música e un xantar de confraternidade.
Para reservar praza no xantar, que terá lugar no Pavillón do colexio, é preciso retirar a entrada na Casa do Concello ou na Casa de Cultura de Sober ou facer a reserva a través do correo electrónico info@concellodesober.com antes do 22 de outubro. O prezo por persoa é de 18 euros.
|
|
|
|
|
|