NOVAS DO CONCELLO

NOVAS O CONCELLO DE SOBER PON EN MARCHA O SEU PROGRAMA DE FORMACIÓN DIXITAL PARA ESTE TRIMESTRE O Concello de Sober vén de abrir o prazo para anotarse nos cursos de formación dixital que ofrecerá na aula de informática e novas tecnoloxías durante os próximos tres meses, de xaneiro a marzo. Busca de emprego en internet e deseño do curriculum vitae.Os participantes aprenderán cómo facer buscas en internet, buscas de emprego a través das redes sociais e a elaborar un curriculum vitae. Axustes básicos no móbil.Aprenderán a configurar o móbil: wifi, axenda, pantalla, contactos, descargas e instalacións de aplicacións útiles para a vida cotiá. Internet no día a día desde a tablet ou o portátil.A formación estará enfocada a manexar unha tablet ou ordenador persoal desde a base. Internet, acceso a servizos, etc. Libro electrónico-Galicia le. En colaboración coa Biblioteca Pública de Sober a actividade versará sobre compatibilidades e formatos de libros e préstamo na plataforma Galiciale, así como do uso dos libros electrónicos. Trátase dunha plataforma de préstamo de libros, revistas, audiolibros e películas en formato electrónico das bibliotecas públicas galegas.   As actividades están dirixidas a persoas adultas e son todas gratuítas. As persoas interesadas poden anotarse no Centro Sociocultural de Sober, onde está a aula de informática e novas tecnoloxías, ou chamando ao teléfono 982 560 513.