SEDE ELÉTRONICA
 
 
NOVAS DO CONCELLO
 
NOVAS
O CONCELLO E ASOCIACIÓN DE MULLERES RURAIS DE SOBER ACORDAN CELEBRAR UN EVENTO ANUAL QUE POÑA EN VALOR O TRABALLO DESTE COLECTIVO E O SEU IMPACTO POSITIVO NO MUNICIPIO



Con motivo da celebración do Día da Muller Rural, o 15 de outubro, o Concello de Sober en colaboración coas asociacións de mulleres rurais do municipio veñen de acordar nunha reunión celebrada no Consistorio a creación dun evento no que se poña en valor o traballo da muller no rural e o seu impacto positivo no Concello de Sober.
 
O asentamento da muller no medio rural é factor fundamental para o reto demográfico que se afronta na actualidade en toda Europa, tamén no noso municipio. Elas son as primeiras en abandonar o rural segundo os estudos de poboación e, polo tanto, a súa permanencia nestes territorios é vital para garantir a súa sostibilidade, a remuda xeracional e un rural vivo, dinámico e con futuro, precisan desde o Concello.
 
O Goberno local ve prioritario que o medio rural sexa un ámbito no que a muller se sinta cómoda e con posibilidades de desenvolverse plenamente para cumprir así todas as súas aspiracións laborais e persoais. “É imprescindible que a muller rural teña voz, e que esa voz se escoite, así como coñecer as súas necesidades laborais, de servizos ou de lecer”, precisa o rexedor, Luis Fernández Guitián. “Como tamén é crucial que se coñeza cal é a súa labor, tanto no entorno familiar como o social e o laboral, visibilizando o seu talento e as súas achegas á sociedade”.
 
“Consideramos que Sober é un bo exemplo de Concello de mulleres emprendedoras, referentes nos seus eidos laborais. Un territorio no que boa parte dos negocios e empresas xorden das ideas, os proxectos e o traballo das mulleres. E precisamente ese emprendemento feminino é o que o Concello de Sober e as asociacións de mulleres rurais do municipio queremos poñer en valor”.
 
 
Así, a iniciativa pretenderá, entre outros obxectivos:
-Dar visibilidade ao traballo que xa están facendo as mulleres en Sober, onde xogan un papel primordial
-Provocar, incentivar e consolidar o empoderamento da muller rural
-Formar e informar sobre as posibilidades da muller no rural
-Contrastar experiencias e iniciativas con outras postas en marcha noutros territorios
-Potenciar a innovación e a xeración de valor engadido de cara á creación de novos nichos de mercado
-Xerar un debate social sobre o papel das mulleres e as eivas que atopan no rural.
 
O Goberno local e as mulleres rurais buscan xa data para celebrar un evento integrador, de periodicidade anual, que poña en valor o seu traballo e no que caberán eles e elas, na procura dun Concello inclusivo en todos os ámbitos, onde toda a poboación sexa protagonista para alcanzar un Sober máis forte e igualitario, social e economicamente.
 
 
 


 
 
Historia do Concello
1·Historia
2·Patrimonio
3·Medio Natural
4·Lendas
5·Situación
Concello de Sober
1·Alcaldía
2·Corporación Municipal
3·Normativa Municipal
4·Secretaría
5·Contacto
Servizos do Concello
1·Enlaces
2·Axenda
3·Télefonos
4·Transporte Público
As Nosas Parroquias
 
Oficina de Turismo
1·Rutas
2·Aloxamentos
3·Festas
4·Galería Fotográfica
Novas do Concello
 
O Viño e Adegas
1·O Viño
2·Adegas
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
prodesin.com