|
|
NOVAS |
O CONCELLO DE SOBER ORGANIZA PARA ESTE VENRES O XX BAILE Á LUZ DA LÚA
O Goberno local do Concello de Sober despide o mes de agosto co tradicional Baile á Luz da Lúa coa Banda de Música de Sober, que se celebrará o venres día 30 na Praza do Toural.
O evento, que este ano celebra a súa XX edición, comezará cunha exhibición de baile profesional, de seguido haberá un concerto da Banda de Música de Sober e, por último, desenvolverase o concurso de baile para afeccionados.
A exhibición de baile profesional correrá a cargo de Diego Cornella e Laura Díez, profesores do curso de baile de salón que se está a realizar nestes días organizado polo Concello de Sober.
A continuación, a Banda de Música de Sober interpretará distintas pezas para todas a aquelas parellas que desexen participar no concurso que estará dotado de varios premios para os mellores bailaríns.
Todas aquelas persoas que desexen participar no concurso soamente terán que inscribirse ao inicio do baile. O único requisito é ter ganas de bailar e pasalo ben.
|
|
|
|
|
|