|
|
NOVAS |
A OFICINA DE TURISMO DE SOBER INCREMENTA NUN 45,07% A SÚA ATENCIÓN A VIAXEIROS NOS MESES DE XUÑO E XULLO
A Oficina de Turismo dependente do Concello de Sober incrementou este verán nun 45,07% o número de visitantes atendidos nos meses de xuño e xullo con respecto ao ano 2018. O alcalde, Luis Fernández Guitián, destaca o impulso que a candidatura a Patrimonio Mundial lle está dando ao número de turistas que visitan Sober e tamén o conxunto da Ribeira Sacra.
Subliña tamén a importancia de que a localidade conte con novos establecementos hoteleiros de primeiro nivel, aos que se están a sumar novas aperturas no ámbito da hostalería e a restauración.
En concreto, nos meses de xuño e xullo recibíronse 1.207 visitantes na Oficina de Turismo da localidade, fronte ás 832 que se achegaron nos mesmos meses do ano pasado. Isto supón un incremento de 45,07% con respecto ao 2018, coa chegada de 1.207 visitantes.
Maioritariamente os turistas proceden do territorio nacional, preto de 1.000 persoas. Os visitantes do estranxeiro suman 85 persoas, con procedencias diversas, como EEUU, Uruguai, Venezuela, Arxentina, México ou Xerusalén. Entre os turistas europeos figuran diferentes nacionalidades, como Portugal, Francia, Suíza, Inglaterra, Escocia, Alemaña, Holanda, Polonia, Suecia, Hungría, Eslovenia, Bélxica, República Checa e Italia.
Os visitantes interésanse sobre todo por información sobre miradoiros, embarcadoiros, o románico, as bodegas da zona, a olería, os catamaráns, a hostalería e hospedaxe, así como as rutas pola Ribeira Sacra.
|
|
|
|
|
|