NOVAS DO CONCELLO
 
NOVAS
SOBER ACOLLERÁ OS DÍAS 11 E 12 DE AGOSTO A XXIV FEIRA DA ROSCA, DO MEL E OUTROS PRODUTOS DA RIBEIRA SACRA E O 3° TÚNEL DO VIÑO AMANDI



O Concello de Sober organiza os días 11 e 12 de agosto a XXIV Feira da Rosca, o mel e outros produtos da Ribeira Sacra e o 3° Túnel do Viño Amandi. O alcalde de Sober, Luis Fernández Guitián, presentou hoxe o cartel e explicou que van participar un total de 18 postos: 4 rosqueiros, 2 oleiros de Gundivós, 3 produtores de mel, 4 artesáns, 4 queixerías e un produtor artesá de castaña e derivados.
 
Programación
A festa comeza o domingo ás 21:30 horas coa apertura dos postos. Ás 22:00 horas haberá unha actuación da Banda de Música de Sober e Os Parentes, para seguir conmemorando o 150 aniversario da formación. Ás 23:00 horas haberá unha degustación gratuíta de licor café e mel.
 
O luns ás 10:00 horas levarase a cabo o disparo de bombas de palenque. Ás 10:15 horas abriranse de novo os stands. Ás 10:30 horas haberá unha demostración de artesanía e ferreiro en vivo coa colaboración do CENTRAD da Deputación de Lugo.
 
Ás 13:00 horas farase a tradicional degustación gratuíta de 2.000 racións de rosca con queixo e ás 13:30 horas actuará o grupo de música tradicional Airiños de Orbazai.
 
Terceiro Túnel do Viño
Aproveitando a celebración da XXIV Feira da Rosca o Concello de Sober e Vinosacra.es organizan o Terceiro Túnel do Viño Amandi, un evento no que degustar os viños da subzona de Amandi e Sober.
 
Haberá máis de 30 adegas que participaron con máis de 50 referencias. Unha oportunidade única de coñecer os viños de Amandi e Sober da man de sumilleres profesionais.
 
A carpa do túnel do viño será inaugurada o domingo 11 de agosto ás 11:30 horas. O horario será de 11:30 a 14:30 horas e de 17:00 a 19:30 horas o domingo e de 11:30 a 14:30 horas o luns.
 
Na cita, organizada polo Concello de Sober e Vinosacra.es, colaboran a Xunta de Galicia, a Deputación de Lugo, Artesanía de Galicia, Queserías Prado e Torre de Núñez.
 
O alcalde de Sober, Luis Fernández Guitián, convida a todos os veciños e veciñas da localidade e dos concellos limítrofes, así como ás persoas que se atopan de vacacións na zona a desfrutar da mellor gastronomía e  mellor viño que temos para ofrecer.


 
 
Historia do Concello
1·Historia
2·Patrimonio
3·Medio Natural
4·Lendas
5·Situación
Concello de Sober
1·Alcaldía
2·Corporación Municipal
3·Normativa Municipal
4·Secretaría
5·Contacto
Servizos do Concello
1·Enlaces
2·Axenda
3·Télefonos
4·Transporte Público
As Nosas Parroquias
 
Oficina de Turismo
1·Rutas
2·Aloxamentos
3·Festas
4·Galería Fotográfica
Novas do Concello
 
O Viño e Adegas
1·O Viño
2·Adegas
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
prodesin.com