|
|
NOVAS |
A BANDA DE MÚSICA DE SOBER CONMEMORA O SEU 150 ANIVERSARIO
A Banda de Música de Sober conmemora este 2019 o seu 150 aniversario coa organización de diversos actos cos que colabora o Concello de Sober.
O primeiro deles será o vindeiro sábado día 13 no que a formación musical ofrecerá un concerto no que van estar acompañados polo grupo local ‘Os Parentes’. A actuación será ás 22:00 horas na Praza do Concello.
No mes de agosto a Banda de Música de Sober programa para o día 3, sábado, un gran concerto no que van participar todos os músicos e músicas vivos e os directores que teñen formado parte da formación musical. Ademais do concerto tamén se vai facer un xantar de confraternización para conmemorar esta importante data.
Desde a Banda de Música de Sober aseguran que estes actos axudarán a seguir facendo historia da música nun concello con enorme tradición musical. Agradecen a colaboración de todos os que farán posible a celebración deste aniversario.
Pola súa banda, o alcalde, o popular Luis Fernández Guitián, convida a todos os veciños e veciñas a participar destes actos e a seguir agrandando a historia viva da música en Sober.
|
|
|
|
|
|