NOVAS DO CONCELLO

NOVAS O CONCELLO DE SOBER ORGANIZA ESTE VENRES UNHA XORNADA DE PORTAS ABERTAS NAS PISCINAS MUNICIPAIS O Concello de Sober abre o venres as piscinas municipais cunha xornada de portas abertas na que poden participar todos aqueles que o desexen. A partir das 13:00 horas o alcalde, Luis Fernández Guitián, fará unha visita ás instalacións que funcionarán durante todo o verán en horario de 13:00 a 21:00 horas as fins de semana e a partir das 13:30 horas e ata as 21:00 horas de luns a venres.   As instalacións, postas a punto nas pasadas semanas, incorporan como novidades dous tobogáns de auga fixos. O Concello organizará ao longo do verán diferentes xornadas de xogos e inchables pensadas para toda a familia.   Prezo da entrada A entrada infantil (de 6 a 14 anos) terá un custo de 1,50 euros, mentres que a entrada para maiores de 14 anos será de 2,50 euros. Os menores de seis anos poderán acceder de balde.   Bonos O Concello de Sober pon á disposición dos usuarios un réxime de bonos:   -Bono mensual familiar (Precísase certificado de convivencia ou fotocopia de DNI dos membros): 40 euros -Bono mensual infantil (de 6 a 14 anos): 20 euros -Bono mensual individual: 30 euros   Clases de natación O Concello de Sober ofrece ademais a posibilidade de apuntarse aos cursos de natación para nenos e adultos cun custo de 10 euros ao mes. As clases para os nenos será os luns e mércores ás 16:00 horas. Os interesados poden anotarse nas instalacións das piscinas.   Outras actividades As actividades no recinto das piscinas complétanse coa bibliopiscina, aberta de luns a venres, aquagym os martes e xoves ás 16:30 e os obradoiros para nenos e nenas os martes ás 19:00 horas. Todas estas actividades son gratuítas.   O Concello de Sober está a programar outras actividades lúdicas, culturais e deportivas para a época estival que irá dando a coñecer.