|
|
NOVAS |
SOBER ÉNCHESE A FIN DE SEMANA DE MÚSICA CO CONCERTO DE FIN DE CURSO DA ESCOLA MUNICIPAL E UNHA ACTUACIÓN DAS XUVENTUDES MUSICAIS
O Concello de Sober colabora na organización mañá sábado do Concerto de Fin de Curso da Escola Municipal de Música, que se vai celebrar no Centro Sociocultural a partir das cinco da tarde. Participan no concerto tamén a Banda de Música de Sober a Escola Municipal de Teatro e o Coro Berea.
A música segue o domingo cun concerto das Xuventudes Musicais de Sober, co que tamén colabora o Concello, que trae á localidade ao cuarteto de saxofóns Psaiko Quartet. A actuación será ás 19:30 horas no Centro Sociocultural no marco da programación da Primavera Musical de Sober.
El cuarteto está formado por los artistas Martín Castro Tubío - Saxofón soprano-, Borja Beneyto García - Saxofón alto-, Juan Alonso Moreda - Saxofón tenor- y Franco Emanuel Sánchez - Saxofón barítono-.
Estes intérpretes proveñen de Arxentina, Valencia e Galicia. Comezaron as súas actividades camerísticas no ano 2015 e hoxe en día desenvolven as súas actividades en diversos lugares como Madrid, Río de Xaneiro, Bos Aires, Mar de Prata, A Prata, Santa Rosa e General Pico (La Pampa), Palma de Mallorca, Ibiza, Porto, Santiago de Compostela, Vigo, Valencia e Ávila.
En 2017 obtiveron o primeiro premio no 88º Concurso Permanente "Juventudes Musicales de España” e o primeiro premio no Certame de Grupos de Cámara ArtJove.
Dentro do seu repertorio, presentan desde música conservadora á máis innovadora e atrevida. Amosan un amplo repertorio cheo de enerxía e sentimento con obras de compositores como F. Schubert, E. Bozza, A. Desenclos, G. Pierné, M. de Falla, G. F. Haas, I. Xenakis, G. Erkoreka, A. Glazunov, H. Parra, G. Ligeti e Marc Mellits, entre outros.
Programa
A principios dos anos 1840 a Adolphe Saxse ocorréuselle a idea de crear un instrumento que tivera a forza de un de metal e a sonoridade de un de madeira. Así pois, o saxofón consagrouse como un dos instrumentos máis versátiles, propoñendo un rango de infinitas posibilidades técnicas e sonoras. Neste concerto poderase observar a evolución do instrumento no campo da música de cámara. O concerto comeza coas dúas primeiras obras escritas para esta formación e continúa cun repertorio actual de transcricións, música popular e música totalmente idiomática.
- Premier Quatuor-J. B. Singelée Op.53 1857 (1812-1875) 15min.
- Quatuor - L. Kreutzer AS.82 1857 (1817-1868) 9min.
- La Historia del Tango-A. Piazzolla 1986 (1921-1992)
- 3 Preludes-G. Gershwin 1926 (1898-1937)
- Black-M. Mellits 2008 (1966-*)
|
|
|
|
|
|