NOVAS DO CONCELLO
 
NOVAS
O CONCELLO DE SOBER PROGRAMA UNHA SERIE DE ACTIVIDADES PARA CONCIENCIAR CONTRA A VIOLENCIA DE XÉNERO



O Goberno local do Concello de Sober programa para os meses de maio e xuño unha serie de actividades para concienciar contra a violencia de xénero. En concreto, as accións están destinadas aos nenos e nenas e aos adolescentes, como colectivos importantes aos que concienciar e cos que traballar para a erradicación desta lacra.
 
As actividades deron xa comezo nas Merendas con Contos coa posta en escena de ‘Contos vellos, novos finais’ a cargo da Trastenda dos Contos. A seguinte das accións terá lugar o día 22 de maio no Colexio de Sober coa presentación do proxecto ‘Mellor sen violencia. Non me contes contos’. O xoves día 23 presentarase o proxecto ‘Mellor sen violencia. Quen é quen’.
 
O venres día 24 de maio as actividades trasládanse á Casa da Cultura de Sober onde se proxectará a Curtaforum ‘Matria’. O mesmo día na Pinguela presentarase o proxecto ‘Mellor sen violencia. Os mitos do amor romántico’.
 
A maiores, entre os días 11 e 25 de xuño a Casa da Cultura de Sober acollerá a exposición fotográfica ‘Je Ne Baise Plus’ aberta a todos os públicos.
 
O alcalde de Sober, Luis Fernández Guitián, pon en valor a celebración deste ciclo de actividades e explica que a loita contra esta lacra é un compromiso irrenunciable do Goberno local, que non escatimará en medios para combatela.
 
As actividades están financiadas pola Secretaría de Estado de Igualdade, con motivo do Pacto de Estado en materia de violencia de xénero, e foron valoradas e propostas pola asociación FEMforte, quen se encargou de deseñar a estratexia de intervención máis adecuada tendo en conta o público ao que están dirixidas as actividades, o contexto e as principais problemáticas ás que é preciso dar resposta dentro deste eido.
 
 


 
 
Historia do Concello
1·Historia
2·Patrimonio
3·Medio Natural
4·Lendas
5·Situación
Concello de Sober
1·Alcaldía
2·Corporación Municipal
3·Normativa Municipal
4·Secretaría
5·Contacto
Servizos do Concello
1·Enlaces
2·Axenda
3·Télefonos
4·Transporte Público
As Nosas Parroquias
 
Oficina de Turismo
1·Rutas
2·Aloxamentos
3·Festas
4·Galería Fotográfica
Novas do Concello
 
O Viño e Adegas
1·O Viño
2·Adegas
CONCELLO DE SOBER · RIBEIRA SACRA · AYUNTAMIENTO DE SOBER
Praza Campo da Feira s/n · 27460 · Sober · Lugo · 982 46 00 01 · 982 46 00 05
prodesin.com