NOVAS DO CONCELLO

NOVAS O CONCELLO DE SOBER PROMOCIONA O VIÑO DE AMANDI CUN SORTEO A TRAVÉS DA REDE SOCIAL INSTAGRAM O Goberno local do Concello de Sober promociona a XXXIX Feira do Viño de Amandi tamén a través do seu perfil na social Instagram, para o que pon en marcha un sorteo durante os días que dura o evento, o sábado día 13 e o domingo 14.   Para poder participar os usuarios desta rede social teñen que facer unha fotografía desde Sober co ‘Marco do Amandi’, seguir o perfil do Concello de Sober e etiquetalo na imaxe que penduren no Instagram (concello_de_sober).   O ‘Marco do Amandi’ é un soporte ríxido que o Concello creou para promocionar a XXXIX Feira do Viño de Amandi tamén nesta rede social, buscando así incrementar a visibilidade e proxección da feira a través do Instagram. O ‘Marco do Amandi’ estará a disposición de todos os visitantes no stand que o Concello de Sober terá na Praza da localidade.   O gañador ou gañadora do sorteo recibirá un lote de botellas de viño de Amandi e un tarro de mel. O alcalde de Sober, Luis Fernández Guitian, explica que o propósito deste sorteo ten un dobre obxectivo: por un lado promocionar os nosos produtos para que a xente poida probalos e degustalos e, por outro, aumentar o impacto do noso Instagram e que así poida chegar a máis xente.