NOVAS DO CONCELLO

NOVAS O MONFORTINO RODRIGO COUCHEIRO LIMERES, GAÑADOR DO CONCURSO DE CARTEIS DA XXXIX FEIRA DO VIÑO DE AMANDI O xurado do certame da XXXIX Feira do Viño de Amandi convocado polo Concello de Sober vén de facer público o seu fallo. Por unanimidade elixía como traballo gañador desta edición do concurso o presentado por Rodrigo Coucheiro Limeres, de Monforte, baixo o lema ‘Amando Amandi’.   O xurado destacou o alto nivel dos 51 orixinais presentados, chegados de diferentes puntos do Estado. En concreto, recibíronse carteis de toda España, como Cataluña, Madrid e o País Vasco. O maior número chegou de Galicia e da Comarca de Lemos.   O xurado estivo formado por Eva F. Ferreira, Toño Parga, Iván Patiño e Manuel Valcárcel ‘Piro’. O Concello de Sober agradece a súa colaboración.   Tamén acordou conceder un accésit como finalistas aos carteis de Víctor Miranda da Coruña, Carlos Gallego, de Barcelona, Luis Enrique Núñez, de Viloira-O Barco, e Celso Cuñarro, da Coruña.   O gañador do concurso recibirá un premio en metálico de 600 euros. Os accésit contarán cun diploma e cun lugar destacado na exposición que se faga con todos os traballos presentados.   O cartel ganador farase público o sábado día 16 de marzo no miradoiro de Soutochao, en Doade. Celebrarase un acto ao que se asistirán os adegueiros e no que se darán a coñecer os actos que formarán parte do ‘Mes do Amandi’ e a programación da XXXXI Feira do Viño de Amandi que este ano se celebra os días 13 e 14 de abril.