|
|
NOVAS |
SOBER, FIEL Á SÚA CITA CON XANTAR
O Concello de Sober, de Interese Turístico Galego, emprazado no corazón da Ribeira Sacra, segue fiel á súa cita anual con Xantar, salón que utiliza para darse a coñecer ante miles de visitantes como un destino próximo, completo e único.
Contará cun stand propio desde o que promocionar os seus principais atractivos turísticos, entre os que destaca o seu emprazamento na Ribeira Sacra o que lle outorga incribles paisaxes; os seus afamados viños de Amandi, que pertencen á D:O. Ribeira Sacra e outros atractivos como a olería de Gundivós, o seu románico rural a súa oferta en aloxamentos rurais e locais de hostalería e restauración.
Como xa é habitual nas últimas edicións, Sober axudará a poñer o broche final a Xantar e reserva o seu día dedicado para o domingo (10 de febreiro) ofrecendo ademais unha degustación dos seus viños de Amandi acompañados por queixo da D.O. de Galicia e pola súa Rosca de Sober.
Sober promocionará ademais durante o salón a ‘XXIX Feira do Viño de Amandi’ que se celebrará os días 13 e 14 de abril de 2019.
|
|
|
|
|
|